حسێن عەزیز
چۆمان ئەحمەد بەڕێوەبەری راگەیاندن و پەیوەندییەکان لە ئیدارەی گەرمیان بە کوردستانی نوێ-ی راگەیاند: بە سەرپەرشتی جەلال نوری سەرپەرشتیاری ئیدارەی گەرمیان و بە ئامادەبوونی نوێنەری جێگری سەرۆکی حکومەت و دامودەزگا پەیوەندیدارەکان سەبارەت بە ئامادەکاری بۆ روبەڕووبوونەوەی مەترسییەکان لە ئەگەری روودانی لافاو، کۆبوونەوەیەک ئەنجامدرا.
وتیشی: لە کۆبوونەوەکەدا باس لە پێداویستییەکان بۆ بەرەنگاربوونەوەی لافاو کرا و جەختکرایەوە لە گرتنەبەری رێکاری پێویست وەک دڵنیابوونەوە لە بەربەستەکانی لافاو و پاککردنەوەی رێڕەوەکانی ئاو بۆ رێگریی لە زیانەکان لە ئەگەری رودانی لافاودا.
