تیپی تۆپی پێی یانەی پێشمەرگەی سلێمانی لە خولی نایابی تۆپی پێی یانەكانی عیراقدا، لە گێژاوی ئەنجامە خراپەكان و هەڵبەز و دابەزی نێوان پلەكاندایە و هەفتەیەك ئەنجامێكی باش تۆمار دەكات، هەفتەی دواتر ئەنجامێكی خراپ، هەفتەیەك دوو پلە بۆ سەرەوەی ریزبەندیی سەردەكەوێت، هەفتەی دواتر دوو تا سێ پلە دێتە خوارەوە.
لە هەفتەی نۆیەمی یارییەكانی ئەم خولەدا، لە نێو یاریگا و هاندەرانی خۆیدا، 0 - 2 بە تیپی یانەی ناسریە دۆڕا، ئەم دۆڕاندنە بۆ پلەی حەوتەم دایبەزاند، بەڵام بە بردنەوەكەی هەفتەی 10 -یەم، 2 - 1 لە تیپی یانەی مەسافی، دوو پلە بۆ سەرەوەی ریزبەندیی سەركەوت و بە 16 خاڵەوە چووە پلەی پێنجەمی ریزبەندیی.
لە هەفتەی 11 شدا، لە بەغدا بوو بە میوانی یانەی ئەمانەی بەغدا، ئەمانە یەكێكە لە یانە ركابەرەكان بۆ گرتنی پلەیەكی باشی خولەكە، پێشمەرگە ئەم یارییەشی دۆڕاند و بەم دۆڕاندنە چوار پلە هاتە خوارەوە و بۆ پلەی نۆیەمی ریزبەندیی خولەكە دابەزیوە.
دەبێت دوێنێش دوو شەممە لە یارییەكانی هەفتەی 12 –ی ئەم خولەدا و لە یارییەكی گرنگدا لە یاریگای خۆیدا، میوانداریی لە گازی باكوور -ی شاری كەركوك كردبێت، جۆلان -ی یەكەمی رزبەندییش لەگەڵ موسڵ -ی پێنجەم و غەراف -ی دووەمیش لەگەڵ رومادی حەوتەم یاریی کردبێت.
یارییەكان
دووشەممە 20/1/2025
*پ.سلێمانی × گازی باكوور.
*جۆلان × موسڵ.
*غەراف × رومادی.
*ئەمانەی بەغدا × كازمییە.
*عەفەك × بەحری.
*مەسافی باشوور × میسان.
*ئەلحوسەین × ئیتیساڵات.
*نەوتی وەسەت × سەناعە.
سێشەممە 21/1/2025
*ناسریە × فەهد.
*مەسافی × سەناعات كارەبایی.
ریزبەندیی یەكەم تا پێنجەمی ئەم خولەش بەمشێوەیەیە:
-1 جۆلان (11 یاریی، 25 خاڵ).
-2 غەراف (11 یاریی، 23 خاڵ).
-3 ئەمانە (11 یاریی، 19 خاڵ).
-4 بەحری (11 یاریی، 18 خاڵ).
-5 موسڵ (11 یاریی، 17 خاڵ).
