ریتا جۆهال، هاوسەری پێشووی ئەستێرەی جەزائیر –ی، ریاز مەحرز -ی هێرشبەری یانەی ئەهلی سعودی، مشتومڕێکی زۆری لە پلاتفۆرمەکانی سۆشیال میدیا دروستکردووە.
مەحرز و ریتا لە ساڵی 2020 –ەوە جیابوونەتەوە، ئەمەش دوای ئەو پەیوەندییەی هەیانبوو، لە ئەنجامیشدا ئەو پەیوەندییە، دوو منداڵی لێکەوتەوە، تا ئێستاش هۆکاری راستەقینەی جیابوونەوەکەیان ئاشکرا نەکراوە. لەدوای جیابوونەوەیان کاتێک مەحرز لە یانەی مان سیتی یاریی دەکرد، ڕیتا کە بەرەگەز هیندستانییە، گۆڕانکارییەکی گەورە لە دەرکەوتنەکانیدا دەبینرا، بەڵام لە ساڵی نوێدا لە هەژماری تایبەتی خۆی لە ئینستاگرام، پۆستتی بڵاوکردووەتەوە و نووسیوویەتی؛ ئەمساڵ بە ژیری باوکی منداڵەکانتان هەڵبژێرن، ئەم پۆستەی ریتا جەنجاڵییەکی گەورەی لە سۆشیال میدیادا دروستکرد، چونکە فۆڵۆوەرەکانی تۆمەتباریان کرد بەوەی ئاماژە بە ریاز مەحرز دەکات.
جێگای سەرنجە لە راپۆرتێکی پێشووی تۆڕی (جی ئێس ئێم) و لە میانی دانیشتنی پرسیار و وەڵامی ئه‌و تۆره و ریتادا، ناوبراو باسی ژیانی خۆشەویستی خۆی و پلانەکانی بۆ دووبارە چوونەوە نێو ژیانی هاوسەری کرد و وتی؛ بە دڵنیاییەوە زۆر حەزدەکەم هاوسەرگیری بکەمه‌وه، به‌ڵام ئێستا ده‌مه‌وێت پلانەکانم بە دروستی ئه‌نجام بده‌م، بە دڵنیاییەوە زۆریشم پێ خۆشە هاوسەرگیری لەگەڵ هاوڕێی رۆحیم بکەم، هەروەها وتی؛ من و نیوەکەی ترم ئاهەنگێکی زۆر ئەفسوناویمان دەبێت، کاتێک پرسیاری ئەوەی لێکرا کە ئایا هاوڕێ رۆحییەکی سینگڵە، ریتا وەڵامێکی نهێنی دایەوە و وتی: رەنگە وا‌بێت.
