بەسەرکردنەوەی وەرزشکارێکی دێرینی شارەزوور

رێبین ساڵح ئەحمەد، ناسراو بە رێبین باوا، وەرزشکارێکی دێرینی شارەزوورە، ساڵی 1978 لە دەربەندیخان لەدایک بووە، سەرەتای یاریکردنی دەگەڕێتەوە بۆ ساڵی 1992 لە تیپی لاوانی سەربەخۆ لە ناحیەی زەڕایەن.
یاریی بۆ چەندین تیپی میللی شارەزور و گەرمیان کردووە، ماوەی 7 ساڵ ئەندامی یانەی زەڕایەن بوومە، تا ساڵی2011، ئەندامی دەستەی بەڕێوەبەریی یانەی شارەزوور بووە،ماوەیەکیش راهێنەری تیپی برایەتی و بروسک بووە، خاوەنی چەندین نازناوی تاکە کەسی و تیپە.
رێبین باوا دەڵێت؛ بەردەوامم لەیاری کردن لە تیپی یاریزانە دێرینەکانی راستی و دێرینەکانی شێروانە و دێرینەکانی هەڵبژاردەی نموونەیی شارەکان و راهێنەری تیپی بروسکیشم.
لە چەندین بەرنامەی تەلەفزیون و کەناڵەکانی راگەیاندندا، کاری شیکارییم بۆ خولەکانی ئەورپا کردوە، هاندەری ریاڵ مەدرید و هەڵبژاردەی بەرازیلم.
ساڵی 2006، لەسەردەستی خوالێخۆشبوو مامۆستا سەڵاح محەمەد کەریم، خولی ناوبژیوانیم تەواو کردوە، بەڵام حەزم بۆ یاری کردن زیاتربووە، بۆیە وەک ناوبژیوان دەرنەکەوتم.
15ساڵە بەڕێوەبەری قوتابخانەی چەموژاڵە -ی بنەڕەتیم لە قەزای شارەزوور، سوپاسی ڕۆژنامە جوانەکەی کوردستانی نوێ دەکەم کە بەسەریان کردمەوە.

محەمەد عەبدولرەحمان