بەبۆنەی بەپارێزگابوونی هەڵەبجەوە پیرۆزبایی لە هەڵەبجەییە ئازیزەكان دەكەم، ئەوان سیمبولی قوربانیدان و چەوساندنەوەی دەستی ڕژێمی پێشوون و شایەنی هەموو جۆرە خزمەتكردنێكن.
خۆشبەخانە لەڕابردوودا لەپەرلەمان لەگەڵ هاوڕێكانم كارمان لەسەر بەپارێزگابوونی هەڵەبجە كردووە و ئەمڕۆش دەرچوونی بڕیارەكە دڵخۆشی كردم. هەڵەبجە شایەنی ئاوەدانكردنەوەی زیاتر و خەڵكە ستەملێكراوەكەشی شایەنی خزمەتكردنن ، ئومێدەوارم ئەم بڕیاری بەپارێزگابوونە بەشێك لەبرینەكانیان ساڕێژبكات و ئازاری قوربانیدەرانی ئەو شارە ئازیزە كەمبكاتەوە و ئاوەدانی زیاتر بە هەڵەبجە ببەخشێت.
ڕێبوار تەها
پارێزگاری كەركوك
