ئەرێ ئەم ژ راستا د ژيانا خو دا دژين يان ئەم ل پشت شاشا دژين؟ د سەردەمێ تەکنولوجيايێ دا، دبينين كو سنێلە پتريا ژيانا خۆ د جيهانا تورێن چڤاكی دا دەرباز دكەت، بەلێ ئەرێ ئەڤ تورێن چڤاكی ژيانا وان پێش دئێخیت يان دبيتە ئەگەرێ فشارێن دەروونی؟! پێنەڤێت وێنێن نموونەیی و جوداهيكرنێن چڤاكی كارتێكرنێ ل باوەرییا سنێلان ب كەسايەتیا وان دكەت، كو دبيتە ئەگەرێ پەیدابوونا هەستێ كێماسیيێ ب خوەبوونێ و هەروەسا رەخنەگرتنا ئەلەكترۆنی و گوتنێن نەرێنی برينێن دەروونی دروست دكەت و گاريكەريا خو ل ژيانا وان يا رۆژانە دكەت. بەلێ ئایا تورێن چڤاكی، لايەنێن ئەرێنی هەنە؟ دشيانا مروڤی دايە مفای ژ تورێن چڤاكی بينیت، ب هشياری! ئەگەر رێكا بكارئينانا تورێن چڤاكی يا دروست بيت دبيت رێكەك بيت بۆ بەرفرەهکرنا هزرێن مروڤی و رێکەک بیت بۆ پشكداريكرن و بەلاڤکرنا هزران و پەيوەندیكرن دگەل كەسانێن دی، د شيانا سنێلەی دايە ب رێكا تورێن چڤاكی فێری كارێن نوی بيت و دبيت ديڤچوونا ناڤەرۆكێت ئەرێنی هاريكاريا وان بكەت، بۆ پێشئێخستنا كەسايەتيا خۆ.
يا گرنكە ئەم دەمێ گونحای دەست نيشان بكەين، بۆ بكارئينانا تورێن چڤاكی و هەلبژارتنا ناڤەرۆكان ب هشياری. پێدڤیيە پارێزگاريا يەكسانيیێ دناڤبەرا ژيانا هژماری و ژيانا راستيێدا بكەين و رێگر بين كو جيهانا تورێن کومەلايەتی كارتێكرنێ ل پەيوەنديێن مە نەكەت.
ئامرازێن تورێن كومەلايةتی وەكی چەكێ دوو لايەنە، بكارئينانا وێ ب هشياری دبيت، ژ بارگرانيەكا دەروونی بهێتە ڤەگوهاستن بۆ ئامرازەكێ باش د ژيانا سنێلەی دا، ژبەركو هاريكاريا وان دكەت بۆ گەشەپێدانێ و پەيوەنديكرنێ بۆ شێوازەكێ باشتر.
فاتيمە ھشیار
