شاھیناز عامر حازم
ھندەك پەیڤێن هەین، بێی ئەم هەست پێبكەین، لێ گرنگیا خوە دژیانا تاكی دا هەیە و تایبەت ژی بۆ قوناغا سنلەییێ، ژبەركو دڤێ قوناغێ دا مرۆڤ ژ قوناغا زارۆكینیێ دەربازی قوناغا گەنجاتییێ و خوە ئاڤاكرنێ دبیت و تایبەتمەند ب قوناغەكا هەستیار ناڤ دكەن. بابەتێ مە ژی دێ ل سەر گرنگیا تێگەهێ (خۆشبڤێت) بیت، ل سەر ئاڤاكرنا كەسایەتیا سنێلەیی.
ئەگەر دەیك و بابان و ئەڤێن لدەوروبەرێن سنلەیی دژین، شیان د رەفتارێن ژ نشكەكێڤە لدەف سنێلەیی دروست دبن تێبگەھن، شینا ئەو رەفتارێن هەنێ زیانێ ب وی بگەھینین، ب گوھورن بۆ رەفتارێن باش و شیان ئاراستەیێ وی بۆ تێگەهێ خۆشبڤێت ببەن، دێ شێن تاكەكی ئاڤا كەن، دەما مەزن دبیت، هەست بكەت هەبوونا وی دڤێ ژیانێ دا گرنگە و دێ هەست ب بەرپرساتییا خوە كەت، ئەو بەرپرساتیا هەنێ ژی ئێكەم جار بەرامبەری خوە و خێزانا خوە و مللەتێ خوە و دێ كەسانەكێ ئاڤاكەر و باوەری بخوە هەی ژێ دروست بیت و تێگەهێ خۆشبڤێت، ژ گەلەك رویانڤە گرنگیا خوە یا هەی، دێ گەلەك هاریكاریا وی كەت د ئاڤاكرنا كەسایەتیا وی دا و دێ شێت باشتر خوە ناس كەت، دێ شیانێن خوە زانیت و ئەڤە ژی ئەگەرن كو خۆشییێ لدەف وی زێدە بكەت و دگەل ڤێ ژی، دەما سنێلە هەستێن خوە دەردئێخیت، دێ وی ژ هەستێن خراب دویرئێخیت و ئەڤە ب ئەزموون لدەف كەسێن زیرەك و دژیانا خوەدا سەركەفتی دا هەیە، هەر كەسەكێ حەز و خۆشڤیان و خۆشبڤێت لدەف هەبیت، دێ كەساتیەكا بهێز و باوەری بخوە بوون لدەف هێتە دیتنێ و تایبەتی ژی د قوناغا سنێلەییێ دا ئەو پێدڤی ھندێ نە پەیوەندیێن وان دگەل دەوروبەرێن وان د باش بن، ئەو زێدەتر دێ هەست ب بەرپرسایەتیێ كەن و لڤێرە د مینیت ئەم چاوان تێگەهێ خۆش بڤێت لدەف گەنجی دروست بكەین؟ كو رەنگە ئەڤە كێشەیا گەلەك دەیك و باب و سەمیانێن سنلیەیان ژی بن، دبێژن زارۆكێن مە دڤێ قوناغێدا گەلەك ئالوز دبن و ئەم نەشێین سەرەدەریێ دگەل دا بكەین و ژبەركو وەك مە گوتی قوناغەكا هەستیارە، دڤێت هەمی بزاڤەك بهێنە كرن، تێگەهێ خۆشبڤێت لدەف وی زێدە بكەین و قوناغێن دیفرا دێ ل سەر وی سڤكتر لێهێن، كو بشێت خوە دگەل ژینگەها ئەو تێدا دژیت بگونجینیت و كەساتییا وی دێ باشتر ئاڤا بیت.
