دوای هێرشکردنەسەر کێڵگەی کۆرمۆر قوباد تاڵەبانی، جێگری سەرۆک وەزیرانی هەرێم راگەیەنراوێکی بڵاوکردەوە:
بە توندی ئەو هێرشە درۆنییەی کرایە سەر کێڵگەی گازی کۆرمۆر ئیدانە دەکەم و خەمبار بووم بەگیانلەدەستدان و برینداربوونی چەند کارمەندێک لە ئاکامی هێرشەکەدا.
داوا لە حکومەتی عیراق و لایەنە پەیوەندیدارەکانی هەرێم دەکەم، دەستبەجێ لێکۆڵینەوەی ورد دەست پێ بکەن و رێکاری جدی بگرنەبەر بۆ رێگریکردن لە دووبارەبوونەوەی ئەم جۆرە هێرشانە کەتیایدا هاووڵاتیانی مەدەنی دەبنە قوربانی و خەڵکی کوردستان بەگشتی زیانمەندی سەرەکی دەبن.
قوباد تاڵەبانی
جێگری سەرۆکی ئەنجومەنی وەزیران
26ی نیسانی 2024