لە رۆژی شەممە 8/2/2025 – ەوە یارییەكانی هەفتەی چوارەمی خولی بژاردەی بالەی یانەكانی عیراقی دەستیانپێكردووە، لەم هەفتە نوێیەدا، لە کلاسیکۆی کوردستاندا کە ئەو رۆژە کرا، پێشمەرگەی سلێمانی بردنەوەیەکی بە نرخی تۆمار کردو 3-2 لە هەولێری بردەوە، رۆژی یەكشەممەش میقدادیە 0-3 بە گازی باشوور دۆڕا، شورتە و دەغارەش یارییەكەی خۆیان لەم هەفتە نوێیەدا رۆژی هەینی ئایندە دەكەن و یاریی موسڵ و مەسافی باكووریش دواخراوە.
ئەم قۆناغەی خولەكە، بە قۆناغی هەشت یانە مەزنەكە ناونراوە و تەنیا 8 تیپی یانەكانی عیراق، بەشداریی تیادا دەكەن، پێشمەرگەی سلێمانی و هەولێر تەنیا دوو یانەی كوردستانی بەشداریی ئەم خولەن، پێشمەرگە یەكەم یاریی 0-3 بە شورتە دۆڕاندووە، دووەم یاریی 3-0 لە نەینەوای بردەوە، لە هەفتەی سێیەمیشدا زۆر بەخراپی 0-3 بە مەسافی باكوور دۆڕا، هەولێریش یارییكی دواخراوی هەیە، دووەم یاریی و سێیەم یاریی لە دەغارە و میقدادەیە بردۆتەوە، یارییەكانی هەفتەی چوارەم بەمشێوەیە بووە کە دوو یارییان کراون:
هەفتەی چوارەمی یارییەكان
*پ.سلێمانی 3 × 2 هەولێر
*میقدادیە 0 × 3 گازی باشوور.
*شورتە × دەغارە – هەینی 14/2.
موسڵ × مەسافی باكوور– دواخراوە.
یارییەكانی هەفتەی پێنجەمیش رۆژانی دوشەممەو سێشەممە 17 و 18/2 دەكرێن.
