سبەی چوارشەممە 19/2، یارییەكانی هەفتەی 19، لە خولی نایابی تۆپی پێی یانەكانی كوردستان دەستپێدەكەن، لە گرنگترین یارییەکانی ئەم هەفتە نوێیەدا، دێربی هەولێر، هەردوو یانەی هەولێر و برایەتی شاری هەولێر دەیکەن، برایەتی شەشەمی ریزبەندیی و هەولێر حەوتەمی ریزبەندییە، جیاوازی خاڵی نێوانیشیان تەنیا دوو خاڵە، بۆیە سێ خاڵی یارییەکە بۆ هەردوو لایان بەنرخ و گرنگە.
سیروانی نوێ و رزگاریی گەرمیانیش، یارییەکی گرنگی تری ئەم هەفتەیە دەکەن، کاتێک سیروانی شاری سلێمانی لە یاریگای خۆیدا میوانداریی لە رزگاریی گەرمیان دەکات، رزگاریی چوارەمی ریزبەندییە لەکاتی دۆڕان یان یەکسانبوونیدا لەگەڵ سیروانی نوێ، ئەوا پلەی چوارەمییەکەی دەکەوێتە مەترسییەوە ئەگەر ئاگرێ لە پێشمەرگەی هەولێر بباتەوە، چونکە رزگاری و ئاکرێ هەردووکیان خاوەنی 25 خاڵن و برایەتیش ئەگەر دێربی هەولێر بباتەوە ئەوە جێگۆرکێی زۆر لەو ناوچەیەی ریزبەندیدا درووست دەبێت.
شێروانەی یەکەمی ریزبەندییش دەبێتە میوانی شەقڵاوە و چارەنووسی شێروانەش وایە نابێت یارییەکە بدۆڕێنێت، چونکە لەکاتی دۆڕانیدا و ئەگەر پێشمەرگەی هەولێر لە ئاکرێ بباتەوە، ئەوا شێروانە لووتکەی ریزبەندیی لەدەستدەدات، رانیەی دوانزەیەمی ریزبەندیش میوانداریی لە دەربەندیخانی هەشتەم دەکات و ئەنجامی ئەم یارییەش گۆڕانکاریی لە پلەی هەردووکیان لە خولەکەدا دەکات، یارییەكانی ئەم هەفتە نوێیەش بەمشێوەیە دەبن:
چوار شەممە 19/2
* پ.هەولێر × ئاكرێ.
* چوار قوڕنە × هەندرێن.
* هەولێر × برایەتی.
پێنجشەممە 20/2
* دەربەندیخان × رانیە.
* شەقڵاوە × شیروانە.
* سیروانی نوێ × رزگاری.
رۆژی هەینی رابردوو، یارییەكانی هەفتەیەكی تری خولەكە كران كە یارییەكانی هەفتەی 18 بوو، تەواوی ئەنجامی یارییەكانیش بەمشێوەیەی لای خوارەوە بوون:
هەینی 14/2
چوارقوڕنە 3 × 0 پیشەسازی.
* هەندرێن 3 × 0 سیروانی.
* پ.هەولێر 1× 0 هەولێر.
شەممە 15/2
*زاخۆ 3 × 1 شەقڵاوە.
* شیروانە 4 × 0 رانیە.
* رزگاری 1 × 1 دەربەندیخان.
سەبارەت بە ریزبەندیی یانەكانیش، ریزبەندییەكەش پاش تەواو بوونی هەفتەی هەژدە و بەرلە دەستپێكردنی هەفتەی نۆزدەیەم، بەوشێوەیەیە كەلە خشتەكەدا دیارییكراوەو لە پەیجی رەسمیی یەكێتیی تۆپی پێی كوردستانەوە وەرگیراوە.
