یانەكانی ریاڵ مەدرید، بایرن مونشن، پاریس سانجێرمان و بروسیا دۆرتمۆند، هەنگاوێكی ئاسانیان ماوە بگەنە قۆناغی 16 یانەی چامپیۆنس لیگ و ئەو چوار یانەیەن كە دەتوانین بڵێین تاڕادەیەکی زۆر، گەیشتونەتە قۆناغی 16 یانە، چونكە هەر چواریان و لە یارییەكانی چوونی قۆناغی پلەی ئۆفدا، لە دەرەوەی یاریگای خۆیاندا، لە ركابەرەكانیان بردۆتەوە و یاریی گەڕانەوەیان لە یاریگای خۆیاندا دەكەن.
بەڵام بۆ یارییەكانی تر، سەرجەم ئەگەرەكان لە ئارادان، ئەوەتا یۆڤانتۆس ئەركی قورسە، هەرچەندە لە یاریگای خۆیدا 2-1 لە ئایندهۆڤنی بردۆتەوە، كلوپ بروج لە یاریگای خۆیدا 2-1 لە ئەتڵەنتای بردۆتەوە، بەڵام یاریی داهاتووی لە یاریگای ئەتڵەنتا دەبێت، میلان و فاینۆردیش لە ئیتاڵیا یاریی دەكەن، یاریی چوون میلان 0-1 دۆڕابوو، بەنفیكا لە فەرەنساوە بە بردنەوەیەكی قورسەوە 1-0 لە مۆناكۆ، گەڕایەوە پورتوگال، یاری گەڕانەوەیان لە یارگای نوور لە پورتوگال، بۆ هەردوولا زۆر قورسە، چونكە بەنفیكا لە فەرەنسا سوودێكی باشی لە كرانە دەرەوەی یاریزانێكی مۆناكۆ وەرگرتبوو.
یارییەکانی گەڕانەوە بەمشێوەیە دەبن کە ئەنجامی یاریی چوونی نێوانیشیان نووسراو؛
سێشەممە 18/2
* میلان0×1 فاینۆرد رۆتردام- سەعات 8:45 - ی شەو.
* ئەتڵەنتا1×2 كلوپ بروج–سەعات 11 – ی شەو.
* بەنفیكا 1×0 مۆناكۆ–سەعات 11 - ی شەو.
* بایرن مونشن2 × 1 سێڵتیك–سەعات 11 - ی شەو
چوار شەممە 19/2
* ب.دۆرتمۆند3×0 لیشبۆنە – سەعات 8:45 ی شەو.
* پاریس سانجێرمان3 ×0 برێست - سەعات 11ی شەو.
* ریاڵ مەدرید3 × 2 مان سیتی - سەعات 11- ی شەو.
* ئایندهۆڤن1× 2 یۆڤانتۆس - سەعات 11 - ی شەو.
