گۆڵدمان ساكسی ئەمریكی پێشبینییەكانی لەبارەی داهاتووی زێر بڵاوكردەوە و دەڵێت، ئەگەر شەڕی بازرگانی بەردەوام بێت نرخی یەك ئۆنسە زێڕ تاوەكو كۆتایی ئەمساڵ دەگاتە سێ هەزار و 100 بۆ سێ هەزار و 300 دۆلار.
ئەمە لە كاتێكدایە ئێستا نرخی یەك ئۆنسە زێڕ لە بازاڕە داراییەكانی جیهان گەیشتووەتە دوو هەزار و 912 دۆلار، ئێستا بانكەكان مانگانە 50 تۆن لە زێڕ دەكڕن و ئەم ژمارەیە تاوەكو كۆتایی ساڵ بەرێژەی 9٪ زیاد دەكات
بەرزبوونەوەی نرخی زێڕ لە سەر ئاستی جیهان هاوكاتە لەگەڵ ئاگربەستی غەززە و هەوڵەكانی ئاشتی لە نێوان رووسیا و ئۆكرانیا، كە لەماوەی ساڵانی رابردوودا هۆكاری سەرەكیی بەرزبوونەوەی نرخەكە بوون.
گۆڵدمان ساكس لە راپۆرتەكەیدا بەناونیشانی "روو بكەنە زێڕ" تیشك دەخاتە سەر كڕین و وەبەرهێنان لە زێڕدا، لە ژێر رۆشنایی داهاتووی زێر و مانەوەی بە بەهێزی.
