ئه‌مڕۆ 10/3، رۆژی پۆشینی جلوبه‌رگی كوردییه، له نێو نه‌ته‌وه‌كه‌ماندا یه‌كێكه له دیارترین داب و نه‌ریت و كه‌لتوری كوردی و به‌شێكی دانه‌بڕاوه له كه‌له‌پووری دێرینی كوردستان.
له‌م رووه‌وه هه‌ریه‌ك له خانمانی كه‌ناڵی ئاسمانی كه‌ركوك به دوالاپه‌ڕه‌یان راگه‌یاند: هه‌وار فارس میدیاكار، جلی كوردی ته‌نها پۆشاك نیيه، به‌ڵكو گوزارشته له مێژووی كه‌لتوريی و به‌هاكانی كۆمه‌ڵگه‌ی كورده‌واريی، وه‌كو تاكێكی كورد شانازی ده‌كه‌م به‌و جل و به‌رگه ره‌سه‌نه‌ی كه بووه به سیمبولی نه‌ته‌وه‌كه‌مان و به سه‌ربه‌رزییه‌وه له هه‌موو بۆنه و ئاهه‌نگ و چالاكییه جۆراوجۆره‌كاندا دەیپۆشم.
خانمی میدیاكار ره‌نگین عه‌بدولسه‌مه‌دیش وتی: من وه‌ك خانمێك و تاكێكی كورد پێم باشه به‌رده‌وام هه‌ریه‌كه و له ئاستی خۆمانه‌وه هۆشیاریمان به‌رامبه‌ر به پۆشینی جلی كوردی هه‌بێت، به‌وه‌ی به‌رده‌وام بیپۆشین، نه‌ك ته‌نها له رۆژی جلی كوردیدا ئه‌م كه‌لتوره‌مان لا زیندووبێته‌وه، به‌ڵكو هه‌موو كاتێك كه بخوازێت به‌و جۆره ده‌ركه‌وین، چونكه ئاستی پێشكه‌وتنی نه‌ته‌وه به‌نده به پاراستنی كه‌لتور و نه‌ریته‌كه‌ی.
رزگارشوانی - كه‌ركوك
