بەناوی كەسوكارو كوڕان و كچانی خوشكمانەوە؛ سوپاسی بێپایانی بەڕێزانی مەكتەبی سیاسی و سەركردایەتی (ی.ن.ك) و نوێنەرانی حزب و لایەنە سیاسییەكان و نوێنەرانی دامودەزگا حكومییەكان، كەسایەتی و نوێنەرانی چینوتوێژەكان، خزمان و دۆستان و هاوڕێكانمان دەكەین، كە بەشدار و هاوخەمی كۆچی دوایی خوشكمان (بەهێ سلێمان عەبدوڵڵا) بوون چ بە پەیام و تەلەفۆن و چ بە بەشداریی راستەوخۆی پرسەكەمان، بەشدارییان لە خەم و پەژارەیان كەمكردینەوە.
خودا لە دۆستایەتی و هاوسۆزییان كەم نەكاتەوە و هەمیشە دووربن لە بەڵا و خەم، كۆچكردووی هەموو لایەكیش جێگایان بەهەشتی بەرین بێت.
كافیە سلێمان
لەگەڵ رێز و سوپاسی خانەوادەكەمان
