لە بەغدا ئەندامانی ئەنجومەنی پارێزگای دیالە كۆبوونەوە و پۆستەكانیان یەكلاكردەوە، عەدنان جابر تەمیمی كاندیدی دەوڵەتی یاسا بە پارێزگاری دیالە دیاریكرا.
هەروەها عومەر كروی لە هاوپەیمانی سیادە وەكو سەرۆكی ئەنجومەنی پارێزگا هەڵبژێردرا و سالم تەمیمی لە هاوپەیمانیی ئیستیحقاق وەكو جێگری دیاریكرا.
بە كۆی دەنگ عەدنان جابر و مستەفا لهێبی لە حزبی تەقەدوم بە جێگری یەكەم و خالید جبوری لە حزبی عەزم بە جێگری دووەمی پارێزگاری دیالە هەڵبژێردران.
هەڵبژاردنی ئەنجومەنی پارێزگاكانی عیراق لە كانوونی یەكەمی 2023 بەڕێوەچوو و سەرجەم حكومەتە خۆجێیەكان پێكهێنران، بەڵام هێشتا حكومەتی خۆجێی لە كەركوك هەڵنەبژێردراوە.
