ئەمڕۆ هەشت ساڵ بەسەر تیرۆركردنی رۆژنامەنووس وەدات حسێن لە شاری دهۆك تێدەپەڕێت كە تائێستاش بكوژانی دەستگیرنەكراون.
رۆژی ١٣ی ئابی ساڵی ٢٠١٦ وەدات حسێن پەیامنێری ئاژانسی رۆژنیوز لە دهۆك، لەلایەن چەند چەكدارێكی دەمامكدارەوە بە بەرچاوی خەڵك و كامێراكانی چاودێرییەوە رفێندرا و دواتر بە برینداری دۆزرایەوە و گەیەندرایە نەخۆشخانە.
بەپێی ئەو وێنانەی كە بڵاوكرانەوە، ئاسەوارێكی زۆری ئەشكەنجە بە جەستەی وەداتەوە هەبوو، بەڵام لە نەخۆشخانە بە برینداری گیانیلەدەستدا.
سەرەڕای ئەوەی هەشت ساڵ بەسەر تیرۆركردنیدا تێپەڕدەبێت، بەڵام تائێستا بكوژانی وەدات دەستگیرنەكراون و پارێزەرەكەشی دەڵێت، دۆسیەكەی وەدات راگیراوە تا ئەوكاتەی بكوژەكانی دەستگیردەكرێن.
