چامپیۆنس لیگی یانەكانی ئەوروپا پێی نایە قۆناغێكی نوێوە كە قۆناغی كۆتایی 36 یانەیە و ئاسۆی بەڕێوەچوونی یارییەكانی روون بۆتەوە و دەركەوتووە كام یانانە لەگەڵ یەكتری یاریی دەكەن و چۆن و لە كوێ و كەی یارییەكانیاشان دەكەن.
یارییەكانی ئەم وەرزەی پاڵەوانێتییەكە بەسیستمێكی جیاواز لە ساڵانی رابردوو بەڕێوە دەچن، جیاوازییەكە ئەوەیە:
*بۆ یەكەمین جارە 36 یانە دەگەنە قۆناغی كۆتایی.
*تیپە بەشدارەكان بەسەر چوار ئاستدا دابەشكران.
*مەرجی ئەم پاڵەوانێتییە بۆ سیستمە نوێیەكە ئەوەیە دەبێت یانەكان دوو یاریی لەگەڵ یانەكانی ئاستی خۆیان و دوو یاریی لەگەڵ ئاستی دووەم و دوو یاریی لەگەڵ ئاستی سێیەم و دوو یاریی لەگەڵ ئاستی چوارەمدا بكەن.
ئەوەتا وەك روونكردنەوە بۆ ئەم خاڵە، بارسیلۆنا ئەو دوو یانەیەی لە ئاستەكەی خۆیدا یارییان لەگەڵ دەكات (بایرن مونشن و بروسیا دۆرتمۆند)ە، ریاڵ مەدرید لەگەڵ (مان سیتی و بایرن مونشن) یاریی دەكات، ئەمە بۆ یانەكانی تریش بە هەمان شێوەیە.
تیروپشک بۆ یارییەكانیش كراوە و سەرجەم یارییەكانی قۆناغی یەكەم (خولی چامپیۆنس لیگ) دیارییكراون، لەم قۆناغەدا تیپەكان دەست دەكەن بە كۆكردنەوەی خاڵ، ئیتر هەر بەسیستمی بردنەوە 3 خاڵ و یەكسان 1 خاڵ، تیپەكان لەو هەشت یارییەوە كە دەیكەن، هەوڵ دەدەن لە ریزبەندیی 36 یانەكەدا زۆرترین خاڵ كۆبكەنەوە، یارییەكانیش ئەم مانگە دەستپێدەكەن و تا كۆتایی مانگی جەنیوەری 2025 دەخایەنێت، بۆ نمونە ریاڵ مەدرید و بارسیلۆنا یارییەکانیان بەمشێوەیە دەبن:
بارسیلۆنا
*مۆناكۆ × بارسیلۆنا - 17/9.
*بارسیلۆنا × یۆنگ بۆیز- 1/10.
*بارسیلۆنا × بایرن مونشن - 23/10.
*رێدستار × بارسیلۆنا- 6/11.
*بارسیلۆنا × بریست - 26/11.
*دۆرتمۆند × بارسیلۆنا - 11/12.
*بەنفیکا × بارسیلۆنا - 21/1/2025.
*بارسیلۆنا × ئەتڵەنتا - 29/1/2025.
ریاڵ مەدرید
*ریاڵ مەدرید × شتوتگارت- 17/9.
*لیل × ریاڵ مەدرید - 2/10.
*ریاڵ مەدرید × بروسیا دۆرتمۆند- 22/10.
*ریاڵ مەدرید × میلان- 5/11.
*لیڤەرپوڵ ×ریاڵ مەدرید- 27/11.
*ئەتڵەنتا ×ریاڵ مەدرید- 1/12.
*ریاڵ مەدرید × ساڵزبۆرگ- 22/1/2025.
*بریست × ریاڵ مەدرید - 29/1/2025.
پاش تەواو بوونی ئەم یارییانە
*یەكەم تا هەشتەمی ریزبەندیی راستەوخۆ دەگەن قۆناغی داهاتووی یارییەكان كە قۆناغی 16 یانە دەبێت.
*9 یەمی ریزبەندیی تا 24 – ەمینی ریزبەندییش یاریی پلەی ئۆف دەكەن و 8 یانەی تر لەم قۆناغەوە دەگەن قۆناغی 16 یانە.
*لەپلەی 25 – ەوە تا پلەی 36 –ە مینی ریزبەندییش ئاوت دەبن و بۆ هیچ خولێكی تر سەرناكەون وەك ئەوەی پێشتر سەردەكەوتن بۆ یۆرۆپالیگ و كۆنفرانس لیگ.
قۆناغی پلەی ئۆفیش كە لە پلەی 9 تا 24 بەشداریی تیادادەكەن بەمشێوەیە دوو یاریی چون و گەڕانەوە لەگەڵ یەكتر دەكەن و براوەكانیان كە 8 تیپ دەكات دەگەنە قۆناغی 16 یانە:
* 9 × 24 .
*10 × 23.
*11 × 22.
* 12 × 21.
*13 × 20.
*14 × 19.
* 15 × 18.
*16 × 17.
قۆناغی 16 یانەش بە سیستمی چوونە دەرەوە دەبێت بە یەک دۆڕاندن و تا یاریی كۆتایی بەو شێوەیە دەبێت.
