لە درێژەی چالاكیەكانیدا، ساڵۆنی شەقامی جمهوری لە كەركوك میواندارێتی شاعیر و شێوەكار سەڵاح حەمە ئەمین - ی كرد .
لە كۆڕەكەدا كە ژمارەیەكی بەرچاو لە كەسایەتی و رووناكبیرانی كەركوك ئامادەیبوون، هونەرمەند سەڵاح حەمەئەمین تیشكی خستەسەر هەڵگیرسانی بزوتنەوەی شێوەكاری لە شارەكەدا لە ساڵانی بیستەكان و سییەكانی سەدەی پێشوو و چالاكی قوتابخانەكان و سەرەتای بزوتنەوەی شێوەكاری هاوچەرخ و سەرهەڵدانی جەماعەتی شێوەكاری كەركوك لە سەرەتای ساڵانی پەنجاكان و بەرەپێشچوونی سەرەتای ساڵانی هەشتاكان.
روونیشیكردەوە شێوەكارانی كەركوك كە ئێستا لە هەندەران دەژین لە كاروچالاكییەكانیان بەردەوامن.
لە كۆتایی كۆڕەكەدا قەڵغانی ساڵۆنی شەقامی جمهوری لەلایەن نووسەر و رۆژنانەنووس ستران عەبدوڵڵا پێشكەش بە شاعیر و شێوەكار سەڵاح حەمەئەمین كرا .
رزگار كەركوكی
