شەوی یەكشەممەی رابردوو، 26/10/2024 كلاسیكۆی چوونی نێوان ریاڵ مەدرید و بارسیلۆنا سەعات 10 ی شەو لە یاریگای سانتیاگۆ بیرنابیۆ لە مەدرید دەستیپێكردوو بارسیلۆنا بردنەوەیەكی گەورەی تۆمار كردو 4-0 لە ریاڵ مەدریدی بردەوە.
4-0 ئەنجامێكی زۆر چاوەڕوان نەكراو بوو، لەبەر ئەوەی سەرجەم ئامار و سەرژمێرییەكان، ئاستی هەردوو یانە، یاریگای سانتیاگۆبیرنابیۆ، ئەنجامەكانی هەردوو یانە لە چامپیۆنس لیگ و لالیگادا، دەیانووت كە یارییەكە بۆ هەردوو تیپ سەخت و قورسە، كەس پێشبینی ئەنجام ناكات، بردنەوەی هەردوولا لە ئارادابوو، بەڵام 4-0 نا.
لەگەڵ هەموو ئەمانەدا، لەم كلاسیكۆیەدا ئەم خاڵانەی خوارەوە دیاترین وێنا و رووداوەكان و ئامارەكانی یارییەكە بوون:
* بارسیلۆنا ریكۆردێكی یانەی ریاڵ مەدریدی راگرت ئەویش ئەوەبوو 42 یاریی یەك لەسەر یەك بوو ریاڵ لە لالیگادا یاریی نەدۆڕاندبوو، تەنیا ئەم یارییەی مابوو ریكۆدرەكە بكات بە 43 یاریی، ریكۆردەكەی لالیگاش بە ناوی بارسیلۆناوەیە.
* لیڤاندۆڤسكی دوو گۆڵی یەكەم و دووەمی یارییەكەی بۆ بارسا كرد، بەمەش لیڤا بوو بە سێیەم گۆڵكاری مێژووی پێنج خولە بەهێز و ناودارەكەی ئەوروپا:
-1 لیۆ مێسی (496 گۆڵ).
-2 كریستیانۆ رۆناڵدۆ (495 گۆڵ).
-3 رۆبێرت لیڤاندۆڤسكی (366 گۆڵ).
* بەم دوو گۆڵەی لیڤاندۆڤسكی لە ریاڵ مەدریدی كرد، لەكۆی 22 یانەی ئیسپانی گۆڵی لە 20 یان كردووە، تەنیا دوو یانەیەك كە تا ئێستا گۆڵی لێنەكردوون، ئەلمیریا و لاس پاڵماس -ە.
* لیڤاندۆڤسكی لە 141 سانیەدا گۆڵەكانی یەكەم و دووەمی بارسیلۆنای كرد، ئەمەش دووەم خێراترین دوو گۆڵە لەو ماوەیەدا بكرێت، یەكەم خێراترین دوو گۆڵی كلاسیكۆ فۆستی لە ریاڵ مەدرید كردویەتی ئەویش 19/11/1965 بووە.
* بارسیلۆنا رێژەی تەمەنی یاریزانەكانی لەم كلاسیكۆیەدا 24:5 ساڵ بووە.
* لە ساڵی 2022 –ەوەو ئەمە یەكەم دۆڕاندنی قورسە توشی ریاڵ دەبێت كە 0-4 -ە، دۆڕاندنی ئەوساڵەشی هەر بەدەستی بارسیلۆنا بووە.
* هانزی فلیك بوو بە یەكەم راهێنەری ئەڵمانی بارسا بتوانێت لە سانتیاگۆ بیرنابیۆ و لە یەكەم كلاسیكۆیدا براوە بێت، پێشتر تیری هێنابڵزی ئینگلیزی ئەم ئامارەی تۆمار كردووە، دووەم راهێنەری نوێی بارسیلۆناشە یەكەم كلاسیكۆی خۆی بباتەوە، پێشتر تاتا مارتینۆ ئەم ئامارەی تۆمار كردووە.
*هانسی فلیک دووەم راهێنەرە لە یەکەم کلاسیکۆیدا لە مەدرید بە ئەنجامی گەورە 4-0 لە ریاڵ مەدرید بباتەوە، یەکەم راهێنەر جاک دۆمبی نەمسایی راهێنەری بارسا بووە 5-1 لە چامارتن ساڵی 1926 لە ریاڵ مەدریدی بردۆتەوە.
* 13 مانگە ریاڵ مەدرید لە لالیگادا هیچ یارییەكی نەدۆڕاندووە، دوا دۆڕاندنی 2/9/2023 بووە بە ئەتلەتیكۆ مەدرید، ئەمە دۆڕاندنە ئەو ئامارەی راگرت.
*بردنەوەی بارسیلۆنا 4-0 لە ریاڵ مەدرید لە سانتیاگۆ بیرنابیۆدا، سێیەم گەوەرترین بردنەوەیە بارسا لەو یاریگایە تۆماریدەكات، یەكەمیان 5-0 بووە 1974 بووە دووەم 5-1 بووە لە چامارتن ساڵی 1926، 4-0 یش دووجاری تر تۆمار كراوە ئەوانیش ساڵانی 2015 و 2022 بووە.
*كلیان مباپێ تائێستا لە لایگادا 9 جار كەتۆتە داوی ئۆفسایدەوە، 8 یان لەم یاریەیدا بووە.
*لە یاریگای سانتیاگۆ بیرنابیۆ، 78 هەزار هاندەری مەدرید ئامادە بوون، بەرامبەر بە تەنیا 400 هاندەری بارسیلۆنا.
پاو كۆبارسی لەم یارییەدا لەكۆی دەیان پاس كە داویەتی بە یاریزانانی بارسا، تەنیا 4 پاسیان هەڵەبوون ئەوانیش پاسی هەوایی بوون.
