بژیان سەبری مەسیحا
ل بەرامبەر راوەستییا و گۆتێ:
ئەز چێكرییا خودێ مە، وی ئەز هۆسا یا ئافراندیم..
دبیت ئەز گەلەك جارا گازندا بكەم و بێژم بۆچی ئەز؟ بەلێ هەر چاوا بیت ئەو هەلبژارتنا وی بوو و بێی پرسیار ئەز هنارتم و بێی حەز، بوو مە یاریكەكا شویشەیی، كو هەر دەمێ ئێك پەیڤ ب دژی من بهێتە گۆتن؛ ئێكسەر بشكێم و هەمی كەس نەفرەتا ل پرتە شویشێن من یێن نەفرەتی دكەن.. ژبەركو ئەو ژ هەر تشتەكێ دەربارەی خودێ هاتییە گوتن دترسن، ب تنێ ژ هەبوونا وی نا ترسن.
- خودیك؟ دەستێ من بگرە و من بكە ئەو روی، ئەوێ هەر دەمێ كەسەك لێ دنێریت و خوە تێدا ببینیت. دا كو كەس بڕیارێ ل سەر چارەنڤیسێ من نەدەت، تو ژی دزانی نوكە ئەز ل جهەكی مە، كو ب تەمامی نە جهێ منە..!
بەردەوامی ب پەیڤینا خو دا:
-تو هەڤالەكا بێ وەفای بەرسڤا پرسیارێن من نادەی، بەلكو هەمان پرسیار ئاراستەی من دكەی، هەر ژ بەر پرسیارێن تە دترسم رۆژەكێ تە ژی ل گەل من بشكێنن و مە هەردوكا ب ساخی بن ئاخ بكەن، چونكی ئەز ئەو هەبوونا قەدەغە مە، د ڤێ نەبوونێ دا...!!
