چۆمان كاوه
بەپێی راپۆرتێکی رۆژنامه‌ی سپۆرت-ی كه‌ته‌لۆنی، یانەی بارسیلۆنا، بڕیاریداوە گرێبەستی لیڤاندۆڤسكی هێرشبه‌ری یانه‌كه، بۆ ماوەی ساڵێکی تر نوێبکاتەوە. یاریزانە پۆڵۆنییەکە، مانگی ئابی ئه‌مساڵ، تەمەنی دەبێت بە 37 ساڵ، بەڵام ئێستا چێژ لە باشترین وەرزی وەرزشیی خۆی لەگەڵ بارسیلۆنا وەردەگرێت.
دوای ئەوەی لیڤا لەژێر دەستی چاڤی هێرناندێزدا نازناوی لالیگای وەرزی 2022/2023 یان برده‌وه، كه‌چی ئه‌و یاریزانه له كۆتایی وه‌رزه‌كه‌دا ئاستی خراپ دابه‌زی، بەڵام به‌رگه‌ی هه‌موو گوشاره‌كانی گرت، دواتر له‌گه‌ڵ هاتنی هانسی فلیکی راهێنەری پێشووی بایرن میوشن، دووباره لیڤا له‌گه‌ڵ كۆنه راهێنه‌ره‌كه‌ی ئاستی له‌م وه‌رزه‌دا باشترە.
فلیک بەداڕشتنی پلانی یارییكرن، لە باڵەكانه‌وه یارمه‌تی ئه‌م هێرشبه‌رەیدا تا زۆرترین گۆڵ تۆمار بكات و بگه‌ڕێته‌وه نێو كه‌شی ركابه‌رییه‌كان.
ئه‌م وه‌رزه كاربه‌ده‌ستانی یانه کەتەلۆنییه‌كه بڕیاریانداوە، گرێبەستێکی نوێی پێشکەش بکەن، تا ساڵی 2027 درێژببێتەوە، بەمەش گرێبەسته‌كه‌ی ناوبراو بە شێوەیەکی ئۆتۆماتیکی نوێ دەبێته‌وه، به‌و مه‌رجه‌ی ساڵی 2026، بتوانێت له 55 % ـی یارییەکانی تیپەکە لە سەرجەم پاڵەوانێتییەکاندا بکات، ئەمەش مانای ئەوەیە بەشداریی لە 34 یاری، لەکۆی 37 یاری بارسادا بکات.
به‌م بڕیارەش، مووچه‌ی نوێی ناوبراو له بارسا، بۆ ساڵانی 2026 و 2027 کەمێک زیاد دەکات، بەو مەرجەی یارمەتیی ناجێگیریی باری دارایی یانەکە بدات، ئەگەر لیڤا به‌و گرێبه‌سته رازی نه‌بێت، ئه‌وه یانه‌كه بۆ جێگره‌وه‌ی ناوبراو، گرێبەست له‌گه‌ڵ هەریەکە لە ئەلێکساندەر ئیساک -ی یاریزانی یانەی نیوکاسڵ یونایتد و ڤیکتۆر گیۆکێریس -ی هێرشبەری یانەی سپۆرتینگ لیشبۆنه دەکات.
