ئیدارەی گەرمیان بڵاویکردەوە، دوێنێ (17ی ئازاری 2025) جەلال شێخ نوری سەرپەرشتیاری ئیدارەی گەرمیان لە دیوانی ئیدارە، پێشوازی کرد لە تۆماس ریتەر فەرماندەی هێزەکانی ئەڵمانیا لە هەرێمی کوردستان و لیوا مەردان چاوشین فەرماندەی میحوەری دووی هێزەکانی پێشمەرگە.
لە دیدارکەدا باس لە رۆڵی هێزەکانی هاوپەیمانی و هێزی سەربازیی ئەڵمانیا لە هەرێمی کوردستان کرا لە شەڕی تیرۆریستانی داعش و پاراستنی کوردستان لە تیرۆر، هاوکات لەدیدارەکەدا تیشکخرایەسەر ناوچەی گەرمیان و سنوورەکانی لەگەڵ ناوچە کوردستانییەکانی دەرەوەی هەرێم و رۆڵی هێزەکانی پێشمەرگە لە پاراستنی ئاسایشی سنووری گەرمیان و هاوکاری و هەماهەنگی نێوان ئیدارەی گەرمیان و هێزەکانی پێشمەرگە لە سنوورەکە.
حسێن عەزیز
