لەیەکەم سەردانی لەو جۆرەدا، ئەحمەد شەرع سەرۆک کۆماری سوریا لە کۆشکی ئەلیزێ لەگەڵ ئیمانوێل ماکرۆن سەرۆکی فەرەنسا کۆبووەوە.
دوای کۆبوونەوەکەش لە کۆنفرانسێکی رۆژنامەنووسیی هاوبەشدا ماکرۆن روو لە شەرع وتی: رێککەوتنی سوپای سوریا و هەسەدە زۆر گرنگە.
هەروەها وتی، «پاریس پشتیوانیی لە جێبەجێکردنی هەر رێککەوتنێکی نێوان دەسەڵاتی دیمەشق و ئیدارەی کوردی دەکات». بەوتەی ماکرۆن پێشنیاری بۆ شەرع کردووە کە لە پرسی رووبەڕووبوونەوەی داعشدا، لەگەڵ هەسەدە پێکەوە کاربکەن.
جێی ئاماژەیە سەردانەکەی شەرع و پێشوازییەکەی ماکرۆن، بەبێ رەخنە تێنەپەڕی و هەندێک لە پەرلەمانتارانی فەرەنسا و حزبە ناسیۆنالیستەکانی ئەو وڵاتە رایانگەیاندووە «پێشوازیی لەو تیرۆریستە لەسەر خاکی فەرەنسا تاوانێکە مایەی لێخۆشبوون نییە».
