بەپێی پێشبینییەکانی کەشناسی ھەرێم، لە ھەفتەی داھاتووەوە شەپۆلێکی دیکەی بارانبارین روو لە ھەرێمی کوردستان دەکات و ماوەی سێ رۆژ دەخایەنێت.
دەستەی کەشناسی ھەرێم پێشبینیکردووە، کەشوھەوا بۆ رۆژی ھەینی ھەوربێت و پلەکانی گەرما کەمێک روو لە بەرزبوونەوە دەکەن، بۆ رۆژی شەممەش کەشوھەوا ھەور و نمەباران دەبێت.
بۆ رۆژی یەکشەممەش، شەپۆلی بارانبارین دەستپێدەکاتەوە و لە چەند کاتێکدا بەخوڕ باران دەبارێت و پلەکانی گەرماش دادەبەزن، باران بارینەکە رۆژانی دووشەممە و سێشەممەش بەردەوام دەبێت و پلەکانی گەرما زیاتر دادەبەزن.