بەهۆی باڵەخانە بەرزەکانەوە، شاری نیۆیۆرک مەترسی ژێرئاوکەوتنی لەسەرە

بەپێی توێژینەوەیەکی گۆڤاری زانستی Earth's Future، شاری نیویۆرک بەهۆی ئەو قورساییە زۆری باڵەخانە بەرزەکان بۆی دروستکردووە، مەترسی ژێرئاوکەوتنی لەسەرە.

توێژینەوەکە ئاماژەی بەوەداوە کە باڵەخانە زۆر و بەرزەکانی نیویۆرک مەترسی لەسەر ئەو شارە دروستکردووە، چونکە کێشی کۆی گشتی شارەکەی گەیاندۆتە 1.68 ترلیۆن رەتڵ، بەو هۆیەشەوە ساڵانە شارەکە یەک بۆ دوو میلیمەتر رۆدەچێت و لە ساڵی 1950 وە تا ئێستا 22 سانتیمەتر رۆچووە.

توێژەران ئاماژەیان بەوەشداوە کە ئەو قورساییەی باڵەخانە بەرزەکان خستوویانەتە سەر شارەکە بەرامبەرە بە قورسایی 140 ملیۆن فیل و لە ئەگەری گۆڕانکارییە سروشتییەکاندا، شارەکە مەترسی ژێرئاوکەوتنی بۆ دروست دەبێت.


سەرچاوە: independent