بە هۆی کۆچەوە لەماوەی 15 ساڵی رابردوودا، ژمارەیەک زۆری کۆچەرە مسوڵمانەکان روویان لە ئەڵمانیا کردووە. هەروەها ژمارەیەکی زۆری جوولەکەیش لەو وڵاتەدا دەژین. بە هۆی شەڕی نێوان ئیسرائیل و حەماسەوە، پێشبینی پێکدادان و ئاڵۆزی دەکرێت.
هەر لەو چوارچێوەیەدا، پرۆفیسۆر میشائیل کەیفەر پسپۆڕی بواری ئیسلامناسی، بە میدیاکانی ئەڵمانیای راگەیاندووە: دژایەتی جوولەکە لە وڵاتانی ئیسلامیدا، ریشەیەکی دوور و درێژی هەیە و بەردەوام پەرەی پێ دەدرێت.
هەروەها ئاماژەی بەوەشکردووە، دژایەتی جوولەکە و رق لێبوونیان، بە بەشێک لە بەرژەوەندی گشتی وڵاتانی مسوڵمان دەژمێردرێت بۆیە کۆچەرە مسوڵمانەکان هەر لە منداڵییەوە لەسەر دژایەتی مرۆڤی جوولەکە رادەهێنرێن.
هاوکات جەختی لەوەشکردەوە، پێویستە کۆچەرەکان لەسەر جیاکردنەوەی مرۆڤی جوولەکە و دەوڵەتی ئیسرائیل رابهێنرێن و ئەوەش بکرێتە پرۆگرامی خوێندن.
سەرچاوە: DW
