لە كەرنەڤاڵی ناساندنی كاندیدانی هاوپەیمانی یەكێتی خەڵكی نەینەوا (اتحاد اهل نینوی) کە بە ژمارەی ١٣٢ بەشداری لە هەڵبژاردنی ئەنجوومەنی پارێزگاکانی عیراق دەکات. ئاراس محەمەدئاغا سەرۆکی لیستەکە رایگەیاند: ئەوان هەمیشە جەختیان لە گەڕاندنەوەی ئاوارەکان کردووەتەوە بۆ سەر زێدی خۆیان و هەوڵەکانیان بۆ ئەو پرسە چڕ دەکەنەوە.
هەروەها وتیشی ئاوەدانکردنەوە و بوژانەوەی ژێرخانی کارگێڕی و ئاسایشی ئەو سنوورە، کاری لەپێشینەی لیستەکەیان دەبێت.
هاوکات جەختی لەوەشکردەوە، پێویستە پۆست و یەکە کارگێڕییەکان و حکومەتی خۆجێی نەینەوا و قەزا و ناحیەکانی ئەو سنوورە بە یەکسانی و دیموکراسیانە دابەش بکرێت نەک بۆ یەک دوو لایەن قۆرخ بکرێت.
سەرچاوە: KRT
