بەپێی ئاژانسی بلۆمبێرگ پادشای وڵاتی « لیختنشتاین» کە بچووکترین وڵاتی سەرزەمینە، لەسەر ئاستی هەموو جیهان بە دەوڵەمەندترین دەسەڵاتدار دەژمێردرێ و سەرمایەکەی دەگاتە 334 ملیار دۆلاری ئەمریکی.
«هانز ئادەم» پادشای ئەو وڵاتە بچووکەیە و تەمەنی 78 ساڵە یەکەمی بنەماڵەکەی نییە لە دەوڵەمەندی، بەڵکو بەدرێژایی مێژووی هەزار ساڵەی ئەو خانەوادەیە کەسانی هاوشێوەی ئەویان هەبووە و پشت بە پشتیش دەسەڵاتی ئەو وڵاتەیان بەدەستەوەیە، ئەو بنەماڵەیە لە سەدەی 12 ەوە زەنگینن و خاوەنی هەزار کیلۆمەتر زەوین لە ئەڵمانیا و نەمسا و چیک و بەلجیکا، تاپۆی زەوی وڵاتەکەیان بەناوی خۆیانەوەیە چەند ساڵێک لەمەوبەریش بوونەتە خاوەن کۆمپانیایەک بەناوی LGT Groupe و ئێستا لقیان لە زۆر وڵاتی جیهان هەیە، لینخشتاین وڵاتێکی ئەوروپییە و دەکەوێتە سەر سنوری نەمسا و سویسرا، رووبەرەکەی 160 کم دووجایە، ژمارەی دانیشتوانەکەی تەنها 40 هەزار کەسە و زمانی فەرمیان ئەڵمانییە.
سەرچاوە: رۆژنامەی Bild
