ئێستا
چاوی خەڵک لەسەر داهێنان و پەرەسەندنەکانی ئۆتۆمبیلی کارەبایین، بەڵام
کۆمپانیایەکی سویدی خەریکی شتێکی ترە و دەیەوێت ئۆتۆمبیلێکی جیاواز دروست بکات.
تا
ئێستا بیرت لەوە کردۆتەوە کە رۆژێک لە رۆژان ئۆتۆمبێلێکی پارچە پارچە بکڕیت و
پاشان بیبەستیت وەک پارچە مۆبیلیاتێکی ئیکیا کە ئەویش هەر سویدییە؟
ئەوە
بیرۆکەی کۆمپانیای لەڤلیی Luvly کە کۆمپانیایەکی سویدییە و
سەرنجی لەسەر بەردەوامییە و ئۆتۆمبێلی LUV - ئۆتۆمبێلی سوکەڵە بۆ هاتوچۆی ناو شارەکان بەرهەم دەهێنێت.
مۆدێلی
یەکەمیان کە ناوی Luvly O یە، ئۆتۆمبێلێکی سووکەڵەیە
و دیزاینی ئەم ئۆتۆمبێلە بچووکە کارەباییە بە شێوازی مۆبیلیاتی ئیکیا کراوە، ئەمەش
دەبێتە هۆی کەمکردنەوەی دەردانی CO2 لە
کاتی گواستنەوەی ئۆتۆمبێلەکەدا. ئەم ئۆتۆمبێلە ئامادەیە بۆ هەڵوەشاندن و بەستنەوە
و کێشی کەمترە لە 450 کیلۆ و ئەوپەڕی خێراییەکەشی دەگاتە 90 کیلۆمەتر لە سەعاتێکدا.
هەرچەندە بە هەڵوەشاوی بە پارچە پارچە دەگەیەنرێت، بەڵام ناتوانرێت ئۆتۆمبێلەکە خۆت بیبەستیت، دەبێت بە شێوەیەکی پیشەیی لە گەراجی میکانیکی مۆڵەتپێدراودا ببەسترێت.
سەرچاوە: Sweden.ar
