تورکیا کوژرانی شەش سەربازی لە ھەرێمی کوردستان راگەیاند

وەزارەتی بەرگریی تورکیا کوژرانی شەش سەرباز و برینداربوونی سەبازێکی تری لە ھەرێمی کوردستان راگەیاند.
بەپێی راگەیەنراوێکی وەزارەتی بەرگری تورکیا، شەوی رابردوو لە ھەرێمی کوردستان سێ سەربازیان لە ناوچەکانی ھەرێمی کوردستان کوژراوە و چوار سەربازی تریش برینداربوون.
بەپێی راگەیەنراوەکە، بەیانی ئەمڕۆش لە چوار سەربازە بریندارەکە سێ سەربازی تریان گیانیان لەدەستداوە، بەوەش ژمارەی کوژراوەکان گەیشتۆتە شەش سەرباز، سەربازە بریندارەکەش لەژێر چاودێریی چڕی پزیشکیدایە.
ئەوەش لە کاتێکدایە لە مانگی نیسانی 2022ەوە تورکیا ئۆپەراسیۆنی لە ھەرێمی کوردستان دەستپێکردووەو لەو ماوەیەشدا کوژرانی 121 سەرباز و گیانلەدەستدانی 841 گەریلای راگەیاندوە