لەدوێنێ دووشەممە 22/1/2024 – ەوە یارییەكانی جەولەی سێیەم و كۆتایی قۆناغی گروپەكانی جامی وڵاتانی ئاسیا دەستیانپێكردووە، دوێنێ دووشەممە دەبێت هەردوویارییەكەی دوا جەولەی گروپی یەكەمی هەڵبژاردە بەشدارەكان كرابن بەمشێوەیە:
*تاجیكستان × لوبنان.
*قەتەر × چین.
ئەمڕۆش سێشەممە یارییەكانی ئەم جەولە نوێیە بەردەوام دەبن و ئەم یارییانەی تر دەكرێن:
*سوریا × هیندستان.
ئوستورالیا × ئۆزبەكستان.
*هۆنگ كۆنگ× فەلەستین.
* ئێران × ئیمارات
سبەی چوار شەممە ئەم دوو یارییەی تر لە گروپی چوارەمدا دەكرێن
*ژاپۆن × ئەندەنوسیا.
*عیراق × ڤێتنام.
تائێستا 4 هەڵبژاردە توانیویانە بگەنە قۆناغی 16 هەڵبژاردە(قەتەری وڵاتی میواندارییكەر، عیراق، سعودیە، و ئێران)، هەڵبژاردەی عیراق خاوەنی دوو بردنەوەیە لەكۆی ئەو دوو یارییەی كردوونی 3-1 لە ئەندونیسیا و 2-1 لە ژاپۆن، ئەم یاریەی داهاتووشی كەبەرامبەر ڤێتنامە، یارییەكی ئاسانە و هەڵبژاردەی ڤێتنام هیچ خاڵێكی نییەو ئەو دوو یارییەی كردونی بە بەرامبەرەكانی دۆڕاوە.
بۆ ئەوەی عیراق لە لووتكەی ریزبەندیدا بمێنێتەوە دەبێت لانی كەم یەكسان بێت، یاریی دووەمی نێوان ژاپۆن و ئەندەنوسیاش ركابەرییەكی سەختە بۆ مانەوە لەخولەكەدا و سەركەوتن بۆ قۆناغی داهاتوو، بەتایبەتی كە هەردوو هەڵبژاردەكە هەریەكەو خاوەنی 3 خاڵن.چوار لە باشترین سێیەمی گروپەكانیش دەگەنە قۆناغی داهاتوو، لەگەڵ ئەمانیشدا یەكەم و دووەمی گروپەكان كە 12 هەڵبژاردە دەكەن بۆ قۆناغی 16 هەڵبژاردە سەردەكەون.
رۆژی پێنجشەممەش كۆتایی بە یارییەكانی قۆناغی گروپەكان دێت و یارییەكانی تری گروپەكانی پێنجەم و شەشەم دەكرێن و دواتر ئەم خولە پێدەنێتە قۆناغی 16 هەڵبژاردەوە كە رۆژی یەكشەممە 28/1 دەستپێدەكەن.
