رۆژی 4/6/2022 لەچوارچێوەی چالاکی ساڵانەی خۆیدا پەیمانگەی هونەرە جوانەكانی سلێمانی فێستیڤاڵی گشتی بۆ بەشەكانی (شێوەكاری، موزیك، شانۆ) بەڕێوەبرد.
فێستیڤاڵەکە بەئامادەبوونی هونەرمەندان و رۆشنبیران، مامۆستایان و خوێندكارانی پەیمانگە دەستیپێکرد، لەسەرەتادا پیشانگەیەكی شێوەكاری کرایەوە کە تێیدا کار و بەرهەمە هونەرییەکانی خوێندکاران نمایشکرابوو، هەروەها چەندین چالاكی تری هونەری وەک نمایشی شانۆیی و پێرفۆڕمانس و گۆرانی و میوزیک بەڕێوەچوو.
