د. لەتیف رەشید سەرۆك كۆماری عیراق پێشوازی لە فایەق زێدان سەرۆكی ئەنجومەنی باڵای دادوەری عیراق كرد و تاوتوێی دۆخی ئەمنی و سیاسیان لە وڵاتدا كرد.
لە دیدارەكە سەرۆك كۆمار رایگەیاند، دەسەڵاتی دادوەری كۆڵەكەیەكی گرنگی دەوڵەتە و كۆڵەكەیەكی بنچینەییە لە بنیاتنان و بەرەوپێشبردنی كۆمەڵگە كە لە رێگەیەوە ماف و خاوەندارێتی پارێزراو دەبێت و لەو رێگەیەوە دادپەروەری دەچەسپێت و یاسا جێبەجێ دەكرێت و دادپەروەری بۆ ستەملێكراوان بەدیدێت و ئاسایش و سەقامگیری دەسەپێت.
لەلای خۆشیەوە فایەق زێدان رایگەیاند، ئەنجومەنی دادوەری كار لەسەر جێبەجێكردنی دادپەروەری دەكات بۆ ئەوەی ببێتە پاڵپشتی راستەقینە بۆ پاراستنی مافە تایبەت و گشتییەكان.
