لە كۆبونەوەی لەگەڵ محەمەد شیاع سودانی، سەرۆك وەزیرانی عیراق جۆ بایدن، سەرۆكی ئەمریكا رایگەیاند، سەربازەكانی عیراق و ئەمریكا شكستیان بە داعش هێنا و پابەندین بە پاراستنی هێزەكان و هاوپەیمانەكانمان لە عێراق.
وتیشی: پەیوەندی نێوان عیراق و ئەمریكا گرنگە كە پەیوەندییەكی ستراتیژییە كە دەمانەوێ ئەمڕۆ زیاتر گفتوگۆی لەسەر بكەین.
جۆ بایدن، سوپاسی سەرۆك وەزیرانی عیراقی كرد كە زیاتر گرنگی بە ئابووری و سەربەخۆیی عیراق دەدات و ئەوەش بۆ بەرژەوەەندی هاوبەشی نێوان هەردوو وڵات و رۆژهەڵاتی ناوەڕاست گرنگە.
لای خۆشیەوە، محەمەد شیاع سودانی رایگەیاند، شەڕی داعش هۆكاری زیاتر بەهێز بونی پەیوەندییەكانی نێوان عیراق و ئەمەریكایە، عێراقییەكان بە پشتیوانی وڵاتانی جیهان بەسەر تیرۆردا سەركەوت.
وتیشی، پلانی گرنگمان بۆ گواستنەوەی پەیوەندییەكانمان لەگەڵ ئەمەریكا بۆ قۆناغی داهاتو داڕشتووە، دەمانەوێت پەرە بە پەیوەندییەكانمان لەگەڵ ئەمریكا بدەین.
