تەها عەبدوڵڵا
ئەندامێكی ئەنجومەنی نوێنەران رایگەیاند: لەڕووی یاساییەوە گرفتی مووچەی فەرمانبەرانی هەرێم چارەسەركراوە و پاڵپشتی بڕیاری دادگای فیدراڵی هەیە، ئەوەی دەمێنێتەوە گرفتە تەكنیكییەكانە لە لیستی مووچەدا.
د.بڕیار رەشید ئەندامی ئەنجومەنی نوێنەران بە كوردستانی نوێ-ی راگەیاند: بۆ كۆتاییهێنان بەگرفتەكان و ئەو داوایانەی بەغدا لەبارەی لیستی مووچەخۆرانەوە هەیەتی، پێویستە وەفدێكی باڵای دارایی هەرێم بەشێوەیەكی بەردەوام لە بەغدا بێت.
