ئه‌ندامێكی ئه‌نجومه‌نی نوێنه‌ران بۆ کوردستانی نوێ:

ده‌نگۆی جێبه‌جێنه‌كردنی بڕیاری هاوتاكردنی مووچه‌ی خانه‌نشینانی هه‌رێم له‌گه‌ڵ عیراق، راست نییه‌

تەها عەبدوڵڵا

ئەندامێكی لیژنەی دارایی ئەنجومەنی نوێنەران، رەتیدەكاتەوە هیچ هەوڵێك هەبێت بۆ رەتكردنەوەی بڕیاری هاوتاكردنی مووچەی خانەنشینانی هەرێم لەگەڵ بەغدا، راشیدەگەیەنێت: ئەوە بڕیاری دادگایە و جێبەجێ دەكرێت.
جەمال كۆچەر ئەندامی لیژنەی دارایی ئەنجومەنی نوێنەرانی عیراق بە كوردستانی نوێ-ی راگەیاند: دەنگۆی جێبەجێنەكردنی بڕیاری هاوتاكردنی مووچەی خانەنشینانی هەرێم لەگەڵ عیراق راست نییە و هیچ دەنگۆیەكی لەو جۆرەمان نەبیستووە.
وتیشی: رەنگە هەندێك گرفتی تەكنیكی و ژمێریاری لەنێوان لیژنەكانی وردبینی لە لیستەكاندا هەبێت، بەڵام دواجار ئەوە بڕیاری دادگایە و دەبێت جێبەجێ بكرێت.
راشیگەیاند: بڕیارە رۆژی پێنجشەممەی داهاتوو وەزیری دارایی فیدراڵ بێتە لیژنەی دارایی نوێنەران، یەكێك لەو پرسیارانەی لەلایەن ئەندامانی لیژنەكەمانەوە لێی دەكرێت، پرسی هەنگاوەكانی هاوتاكردنی مووچەی خانەنشینی هەرێم دەبێت.