ناڤەندانا بادینان ل ئیدارا سەربەخۆیا زاخو ژی، دبیتە خودان رادیوو. ل رۆژا 20/8/2024ێ ل ئیدارا سەربەخۆیا زاخو و ب چاڤدێرییا هەڤال (لەتیف نێروەی) بەرپرسێ بوردێ راگەهاندنا (ی. ن. ك) و ب ئامادەبوونا چەندین بەرپرسێن حزبی و كادر و راگەهاندكار و رەوشەنبیرێن دەڤەرا زاخو، رێورەسمێن ڤەكرنا رادیویا بادینان هاتنە برێڤەبرن و هەڤال (لەتیف نێروەی) دكومبوونەكێدا دڤی دەربارەیدا گوت: «ھیڤیخوازین ئەڤ رادیویە ببیتە دەنگێ ئێكەتیێ ل دەڤەرا زاخو و بشێت وەك جارێن بوری خزمەتەكا باش پێشكێشی هەمی تەخێن ڤی باژێری بكەت. ل دوور بەرفرەھكرنا كەنالێن سەر ب ناڤەندا بادینان ڤە، بلند شالی بەرپرسێ ناڤەندا بادینان، گوت: «ناڤەندا بادینان دنۆكەدا، پێنگاڤێن باش هاڤێتینە و سەرپەرشتییا چەندین كەنالێن راگەهاندنێ دكەت. دەڤەرا زاخو ژی بۆ ئێكەتی نیشتیمانی كوردستان دەڤەرەكا زورا گرنگە، ب دەروازا شورەشا نوی و دەروازا شەھیدان دهێتەناسكرنێ، لەورا مە ب پێدڤی زانی (رادیویا بادینان) ل زاخو بهێتەڤەكرنێ و دەنگێ وێ ببیتە دەنگەكێ زەلال و راستگویێ خەلكی. ببیتە دەنگێ دژی زولم و زورداریێ، دەنگی ئازادی و دادپەروەریێ، ببیتە دەنگی پێكڤە ژیانێ و دەنگێ هەمی تەخ و چینین زاخوكا دەلال. بڤێ چەندێ ئەم وەك ناڤەندا بادینان، دلخۆشین كو برییا سەكویەكێ دی بشێی خزمەتا خەلكێ خوە یێ دەڤەرا بادینان بكەین».
