شیان مەهدی کانیسارکی
ئەرێ ما کەسەک ژ مە هەیە، نە پێدڤی دلۆڤانیا یێن دی؟ ئەم مرۆڤ ئەگەر چەند بهێز ژی بین، دێ ڕۆژەک، شەڤەک، چرکەیەک هێت دێ تێدا پێدڤی دلەکی بین بهێت خوە ل دلێ مە بدەت، چونکی د «فیترەتا» مەدا، گولەکا جوانا هەیی ب تنێ ئەو جورێ گولێ ب دلۆڤانیێ دهێتە ئاڤدان!
ئەرێ ما کەسەک ژ مە هەیە، نە پێدڤی دلۆڤانیا یێن دی؟ ئەم مرۆڤ ئەگەر چەند بهێز ژی بین، دێ ڕۆژەک، شەڤەک، چرکەیەک هێت دێ تێدا پێدڤی دلەکی بین بهێت خوە ل دلێ مە بدەت، چونکی د «فیترەتا» مەدا، گولەکا جوانا هەیی ب تنێ ئەو جورێ گولێ ب دلۆڤانیێ دهێتە ئاڤدان!، ئاخفتنەکا جوان یا هەیی دبێژیت «نوژدار ژی پێدڤی نوژداران دبن»، ئەز ژی لسەر زێدە دکەم و دبێژم، ئەرێ ما کی هەیە پێدڤی «یێن دی» نەبیت؟
ڕۆژەکێ ژ ڕۆژێن سالا 1920ێ کەسەکێ ڕۆسی دەروونێ وی گەلەک تێکچوو و سەرئێشانێ گرت و توشی خەموکیەکا تۆند بوو، ڕابۆ چوو سەرەدانا نوژدارێ دەروونی کر. نوژداری ژی گۆتێ: تۆ یێ پێدڤی کەیفخوەشی و بێهنفرەهیێی، لەوڕا چارەسەریا تە یا ب ساناهییە، هەرە هندەک ژ پەرتووک و چیرۆکێن نڤیسکارێ مه یێ کومێدی «ميخائيل زوشينكۆ «ی ب خوینە، دێ باشتر بی.
نەخوەشی گۆتێ: نوژدار ئەز «ميخائيل زوشينكۆ» مە !!
«میخائیل میخائیلۆفێتش زۆشینکۆ» ل سالا 1894ێ ل باژێرێ سانبترس برگ ژ دایکبوویە و 1958ێ ل وەغەرکریە. ئێک ژ وان نڤیسکارێن ڕۆسی بوو کۆ ئێکەتییا سۆڤیێتا وی دەمی دەستدانای سەر هەمی پەرتووک و چیرۆکێن وی و چاپکرن لێ قەدەغەکر، ب بەهانەیا وێ چەندێ کۆ وی ژ کەنی و کۆمێدیێ یا بوراندی. چونکی ب ڕێکا چیرۆک و نڤیسینێن خوە یێن کومێدی ڕەخنە دگرت و چ د سۆڤیێتا وی دەمی نەدهێلا و ببوو بەڵا بۆ وان، ب تایبەت پشتی سالا 1935ێ کومەلەکا چیرۆکێن کۆمێدی چاپکری ب ناڤێ ( پەرتووکا ئاسمانی). پێنج خەلاتێن مەزن یێن نیڤدەولەتی لسەر ئاستێ وەلاتی و ژ دەرڤە بدەست خوەڤە ئیناینە. پشتی ئەڤا هاتی سەرێ وی، ب نڤیسینا ڕۆمانەکێ ڕابوو کۆ تێدا خەم و دەردێن خوە هەمی داڕێژتن ب ناڤێ ( بەری ڕۆژ ئاڤا ببیت)، نوکە یا هاتییە وەرگێڕان بۆ زمانێ عەرەبی ژی. حکۆمەتا ڕۆسی ژی وەکی ڕێزگرتن بۆ خزمەتا وی یا (38) سالان ڕابوون گوڕێ وی جوان چێکر و پەیکەرەک ژی دانا سەر گوڕێ وی!!
