دیاكۆ خاتوون
ب سەدان ساڵە پشکا شێری یا داگیرکرنا چاند و هونەری و لەشکەری ل بەر تورکان کەتییە، کو وانا ژ هەمییان پتر شیایە دەستێ خوە بێخیتە ناڤ مە و شیاینە شین تبلێن خوە ل سەر جڤاکی بهێلن. تورکان ئێکەم جار دەمێ میرنشینا بدلیسێ دیتی، کو ژ ئالیێ فەرهەنگی و‌هونەری و چاندی بەرەڤ پێشکەڤتنێ ڤە چووین و کاریگەریەکا مەزن هەیە، پلان دانان کو وێ فەرهەنگ و هونەرێ ژناڤ ببەن و چ شوینوارێن وان نەهێلن و ب تەمامی شییان بدلیسێ ژناڤ ببەن و ب هزاران کارێن هونەری تاڵان کرن و ژناڤبرن. ڤی کاری رێکا خوە بەرنەدا هەتا هاتنا ئەتاتورکی ئێکەم کارێ کری پشتی کۆمەڵکۆژییا دێرسمێ چەندین ماموستا ژێگرتن و فرێکرنە دەڤەرێن کوردان و مۆزیکا وانا دزی و کرە مولکی تورکان و پاشی ب هاریکارییا چەندین هونەرمەندان مینا تاتلیسی موسلم گورسس و بەردان و گەلەکێن دی، سترانێت کوردی دزین و خزمەتا تورکییا پێ کر. ئەڤا د خوازم بێژم تورک بتنێ ل سەر ڤێ نە ڕاوەستیایە بگرە قەهوا کوردی دزی و ناڤێ وێ کرە قەهوا تورکی و د نوکەدا نابێژن قەهوا کوردی، دبێژن قەهوا تورکی.
هەروەسا پاشی ب رێکا درامایێن خوە شییان کاریگەرییەکا مەزن ل سەر دابونەریتێن کوردان بکەت و شینا ناڤێن کوردی مە ناڤێن سەرکردێن وانا دانانە سەر کچ و کوڕ و خوارنگەھ و کافیێن خوە.
ئەڤرۆ من گوھ ل پودکاستەکێ بوو، دوو کەسێن خوەدان شیان بەحسا داگیرکرنا تورکان دکر ل سەر چاندا مە، پێشکێشکاری گووت بەری چەندەکێ چوومە داوەتەکێ، بەحسا وێ داواتێ کر ئەڤا دبێژنێ یا تورکییە، گووت من دیت خەلک ب جلکێن کوردی بوون و مۆزیکا تورکی دانا سەر و ب جل و بەرگێن کوردی ئەو داوەتە کر!
بەلێ ئەڤا د خوازم بێژم ئەوە، د ڕاستی دا کا چەوا تورکان مۆزیک و چاند و هونەرا مە برییە، ئاها هوسا ئەڤ جورێ داوەتێ ژی دزییە و کرییە مورکێ خوە، ب تەمامی ئەڤە نە داوەتا تورکانە و نە چاندا وانایە و نها وەکی قەهوە و مۆزیکێ ب ناڤێ تورکان دهێتە بناڤکرن! ئەڤ جورێ داوەتێ هندەک ناڤ هەنە وەکی بەرچەپکی، خاتوونی، هەڕە وەرە. هەر کەسەکێ عەفرینی ل چیایێ کۆرمچ دزانیت کو ئەڤ جورێ داوەتێ چ پەیوەندی ب تورکان ڤە نینە، کا چەوا تورکان قەهوا کەزانێ نەبوویە چونکی کەزان ل دەڤەرا وان شین نابیت و ناڤێ وێ کرییە تورکی، ئاها هوسا ژی ئەڤێ داوەتێ چ پەیوەندی ب واناڤە نینە و کرییە داوەتەکا تورکی. جورەکێ داوەتێ بڤی ئاواییی دهێتەکرن کەسێن ب تەمەن سەرێ گۆڤەندێ دگرن یان سەر چۆپی دگرن و دڤێت شارازەیەکا باش د داوەتێ دا هەبیت، چونکی ل بەر دهۆلێ ڕا وێ داوەتێ دکەت و پشتی داوەت گەرم دبیت، کەسێ سەرچۆپی گرتی دهێتە دنیڤا داوەتێ و پاشی د زڤریت و سەر چۆپیێ دەتە زەڵامەکێ ب تەمەن.
هەژییە بێژین، كەوسەر شەوكەت دەرچوویا بەشێ مێژوویێ یە و ژبلی سێ رۆمانێن چاپكری و سوفینامێ كو ل نێزیك دێ گەھینتە چاپێ و ڤەکولینەک کار تێدا دکەت، پەرتووكەك بناڤێ (ڤەگەرەك ژ نفشێ لیلیتایێ) هەیە و دەهان گوتار و نڤیسینێن ئەدەبی و ھزری د رۆژنامە و گوڤارێن كوردی دا هەی و وەك نڤیسەرەكا یاخی د بوارێ جودا دا د نڤیسیت و دگەل هەر نڤیسینەكا وێ یا نوی، دنیا بینینەكا تژی ئەدەب و فەلسەفە و جوانی دهێتە دیتنێ.
