تو د پەرتووكا خوە یا بناڤێ (تەماشە و جوانییا پێرفورمانسێ د شانۆیا كوردی دا)، گەلەكا گرنگیێ ددەیە سەر رۆلێ بینەری، ئایا جوداھییەك دناڤبەرا رۆلێ بینەری و زارڤەكەریدا هەیە؟ قەدری شێرۆ: « شانۆ پشتبەستنێ دكەتە سەر ئامادەبوونا راستەقینەیا بینەران، دەمێ كو ئەو نمایشا شانۆیێ یا كو ئەوان دڤێت ببینن، بۆ بینەران دهێتە پێشكێشكرن، دا كو جیاوازییا د ناڤبەرا رۆلێ بینەران و رۆلێ زارڤەكەران دا دیاربیت و پەیوەندیەكێ د ناڤبەرا وان دا دروستدكەت. دبیت ژی هەلچوونەكا هەست و سۆزان لدەف بینەران ل بەرامبەری پێرفورمانسێ بیت، ئەڤەیە ئەگەرێ كاریگەرییا د ناڤبەرا بینەران و نمایشێ دا ژبۆ بەرزراگرتنا ئاستێ نمایشێ و هەر وەسا ئەڤەیە دبیتە هوكارێ بەژداریكرنێ د گەهشتنا رامانا نمایشا شانۆیێ دا.
جهێ ئاماژی یە پەرتووكا (تەماشەو جوانییا پێرفورمانسێ د شانۆیا كوردی دا) لڤێ دووماھیێ ژبن چاپێ دەركەفتییە و پەرتووك ب قەبارێ ناڤین و 132 لاپەرە و چەندی بابەتێن گرێدایی شانۆیێ و رلێ بینەری و زارۆڤەكەری دكەتن.
