بەردەڕەش.. دناڤ موزەخانا ویدا شوینوارێن بەری 200 سالان هەنە

ل ناوچەدارییا بەردەرەش، گەنجەك موزەخانەكێ دناڤ مالا خوەدا دروست دكەت و چەندین كەلوپەلێن كوردەواری دناڤدا هەنە. حارس محەمەد، بەحسا موزەخانا خوە دكەت و دبێژیت: «ژ سالا 2018 وەرە، ئەز دڤێ موزەخانەیێدا كاردكەم و نووكە چەندین كەلوپەلێن كوردەواری دناڤدا هاتینە پاراستن و مەبەستا مە بتنێ ئەم مێژوویا خوە و شوینوارێن خوە ژ بەرزەبوونێ و ژ ناڤچوونێ ب پارێزین». 
لدوور مێژوو و كەڤناتیا ڤان كەلوپەلان، ڤێ گەنجی گوت: «كەڤنترین كەلوپەلێ دناڤ ڤێ موزەخانێدا، بۆ بەری 200 سالان دزڤریت و ژ كانزایێ (مس) هاتیە چێكرن». هەر لدوور موزەخانا خوە گوت: «دەرگەهێ موزەخانێ بۆ هەر كەسەكی یێ ڤەكریە و چەندین چالاكی و فێستیڤالێن ھونەری دناڤدا هاتینەكرنێ و برێكا رۆژناما هەوە داخوازێ ژلایەنێن پەیوەندیدار دكەم، پشتەڤانێن مەبن ژبۆ زەنگینكرنا ڤێ موزەخانێ، ژبەركو ئەم یێ كەلتورێ میللەتەكی و دەڤەرەكێ دپارێزین». 

ئا: ئەیاز هەركی