قادر عەزیز، لە لێدوانێكدا تەئكیددەكاتەوە كە ی.ن.ك لەگەڵ حوكمڕانییەكی هاوسەنگ و دادپەروەرانەدایە.
قادر عەزیز یاریدەدەری سەرۆكی یەكێتیی نیشتمانیی كوردستان، لەمیانەی كۆبوونەوەی لەگەڵ ژمارەیەك تێكۆشەر و هاووڵاتیانی سنووری بازنەی هەولێر، رایگەیاند: یەكێتی لەگەڵ حوكمڕانییەكی هاوسەنگ و دادپەروەرانەدایە و دەیەوێت كارەكانی حكومەت بەبێ جیاكاری و خۆسەپاندن و دوور لەپاوانخوازی بێت.
یاریدەدەری سەرۆكی یەكێتی، وتیشی: ئەنجامی ئەم هەڵبژاردنە لە چاوەڕوانی یەكێتی-دا دەبێت بۆ راستكردنەوەی هاوسەنگیی هێز و گۆڕانكاری لە حوكمڕانیدا.
