ھینگێ ئەو ماموستا بوو، نووكە ئەز ماموستامە

رێژین حیكمەت

گەلی قوتابیان  چاڤێ هەوە  ل نمرێ نەبیت کا چەندە و دێ چەند هینی، بلا چاڤێ تە ل ئارمانجا تەبیت،  دێ چاوا و چەندێ بۆ کارکەی،  دا ب سەر کەڤی

ئەم ل پولا 12 بین، ماموستایەک چەند هاتبا د پولێدا، ب تنێ دا قوتابیان پاشڤە بەت. ئاخفتنا وێ یا خۆش دا بێژیت، ژ هەوە ب سەر ناکەڤیت، هین چ جارا نابن چ تشت، ئەڤێ قوتابخانێ پێنچ قوتابی دەرەجێ بینن بەسە. ئەڤ ئاخفتن و پاشڤەبرنێن ڤی ماموستای، هەمی ئەزموون تایبەت ئەزموونێن ویزاری ل بەر مە کرنە چییا، چیایەک چ جارا ئەم نەشێین لێ ب سەرکەڤن، خۆ ئەگەر ب فرۆکێ ژی بیت. هەر ل سەر ئەڤێ ئاخفتنێ گەلەک درێژکر، رۆژ بۆ رۆژێ بەردەوامی دا هەلویستێ خوە، چ قوتابیان نە دڤیا بھێتە وانا وی ماموستای. قوتابییەکێ ژی خۆ نەگرت و گۆتێ، بۆچی تو مە بێ هیڤی دکەی؟! بۆچی ئەم بکێر ناهێن؟ ئەم هەمی دێ ب سەرکەڤین، دێ گەهین وێ یا مەدڤێت. پاشی ماموستای گەلەک درێژکر و چ دگۆت و وێ قوتابیێ بەرسڤا وی ددا، ئەو قوتابی بێ دەنگ نەبی، ماموستای گۆتێ چ جارا تو نابیە چ تشت، وێ قوتابیێ ژی گۆتێ، بۆچی ما چ ژ تە کێمترم؟ ئەم هەمی مرۆڤن و خودێ ئەم یێن داین و بتنێ ئاقل ژ ئێک جودانە، ئەگەر ئەم بێ ئاقل بان، ئەم ل ڤێرێ نەدبین، دێ بین تشتەک و رۆژەکێ دێ بیراتە ل ئەڤێ رۆژێ هینم! ماموستای گۆتە وێ قوتابیێ، تو ئەزمان درێژی! قوتابیێ گۆتێ، تە پرسیارکر و من بەرسڤا تەدا، ژبەر هندێ ئەزمانێ من درێژە، ئەز دێ ب سەرکەڤم دێ بینێ.
بێگومان کەس نە بوو ل دەڤ ماموستای بێژیت راستە و پشتا قوتابی بگریت، ژ ترسا هندێ ماموستا دێ ب بابەتی ئێخیت، ماموستا ب پشت دەرگەهی کەفت، ھینگێ دەست خوشی بۆ وێ قوتابیێ چوون، بەس ما ئێدی بۆچییە؟ دێ بەسە دەستا ژ هندێ بەردەن، هندەک ماموستا بێژن هین نابن چ تشت، هین ب کێر چ ناهێن، گەلەک قوتابیا سەرا ئەڤان ئاخڤتنا پاشەڕۆژا خۆ یا ژناڤبری.
هوون قوتابی، گوهێن خۆ ل بەر ئەڤان ئاخفتنان بگرن:
گەلی قوتابیان خوە بێ ھیڤێ نەكەن، شکەستن دوماهیکا دنیایێ نینە، خێرا هەوە یا تێدا، هین دێ ب سەرکەڤن خۆ ژ هەمی ئاخڤتنا ب هێزتر ببینن، ئەڤ سالە نە ئێکا دی، خولا ئێکێ نە خولا دووێ. بێ هیڤی نەبە تە باوەری ب خۆ هەبیت، ب ئاخفتنا کەسێ خۆ نەشکێنە، هەر کەسەک دێ تشتەکێ بێژیت، خۆ ژ ئاخڤتنا وان بهێزتر ببینە. ئاخفتنێن دەوروبەرا بکە هێز پێ ب سەرکەڤە، خێزان پشتگیریا وان بکەن، نەکو ب ئاخڤتنێ بشکێنە، گەلی قوتابیان چاڤێ هەوە ل نمرێ نەبیت کا چەندە و دێ چەند هینی، بلا چاڤێ تە ل ئارمانجا تەبیت، دێ چاوا و چەندێ بۆ کارکەی، دا ب سەر کەڤی.