دلدار محەمەد
ئەز باوەرم بو تە ژی نەیا سەیرە مرۆڤ لسەر جوداهیا بیرو باوەران گەنگەشەیان بکەن یان خۆ ئەگەر چیڤکێشکانێ ژی بیت بکەن. ئەڤ سەردەمه یێ د پێشکەفتنەکا مەزندا دبوریت، دەنگێ هەمی کەسان ل هەر ئاست و پلەیەکێ و جهەکی ب سەناهی دگەهیت. لەوما ژی گەنگەشە دروست بوون لسەر پرسێن جودا سیمایەکێ ڤی دەمی یه، لێ دەمێ ئەو گەنگەشە و جوداهی بگەهیتە مەحاندن و سفکاتی پێکرنێ، ئەڤەیە ئەوا سەیر کەکێ کومێنت نڤیس، ژ بیرنەکەهەر ئێکێ هەبیت ژ بەگرەوەندەکی یان باوەری پێ هاتنەکێ د ئاخڤیت. ما بەلکی یا ئەو دبێژیت ئەنجامێ شەڤێن بێ نڤستن بیت بەرهەمێ رەنجێ، پێکۆلێ بیت؟ ماکی نابێژیت ئەوا ئەو ژ تە جوداکری خۆ زەحمەت دانە؟! کا بێژە هێژایێ من کومێنت نڤیسین و شکاندنا یێ دیتر بڤی رەنگێ پر چڤین چ مفا بۆ تە و بۆ مە و بۆ وان هەیە، من گرتی ئەوێ دیدار کری کومێنتا تە خواند و پێ ئێشا ژی، ما تۆ بێژی، کومێنتەک بشێت کاروانەکێ درێژ ب راوستینیت یان ئەڤە پێنگاڤەك بیت لسەر پرۆسەیا ئاڤاکرنا کەسایەتیا تە زێدە ببیت، تۆ بخۆدێ ما هەرفاندن و پێکولێن هەرفاندنێ بەلگەیەکا زیق نینن، کو کەساتییا تە یا ل گوپیتکا هەرفتەییێ.
ئێدی بەسە هەر تشتەکی رەش ببینی، ما نەدەمە ل خۆ ڤەگەری، ما کومێنتێن لسەر قانا پشتێ و رەشکرنا هەر تشتی مفا گەهاندییە تە، هەتا بگەهینیته ئێکی؟ دەمە ئێدی کا کومێنتێن خۆ یێن پر سفکاتی هەمیا رەش بکە، دا سەنگا تە بەس بەرەڤ سڤکبوونێ بچیت.
