تەنها دوێنێ، سوپای تورکیا بە هێلیکۆپتەری سەربازی، 17 جار هێرشی کردۆتەسەر چیای مام رەشا لە سنووری شیلادزێی پارێزگای دهۆک.
کامەران عوسمان، ئەندامی رێکخراوی CPTی ئەمریکی رایگەیاند، سوپای تورکیا بە سێ هێلیکۆپتەری سەربازی، هێرشی کردەسەر چیای مام رەشا لە سنووری شارەدێی شیلادزێ و بۆ ماوەی 30 خولەک بە ئاسمانی ناوچەکەدا سووڕاونەتەوە.
راشیگەیاند، ماوەی 10 رۆژە رووبەڕووبوونەوەی سەخت لە نێوان ئەندامانی پەکەکە و سوپای تورکیا لە بەشێک لە گوندەکانی بەری گارێ، ناوچەی نهێلێ و گوندی سیدان لە نزیک رووباری باسیا لە شارۆچکەی ئامێدی هەیە و هێشتا بەردەوامە.
