.jpg)
هه‌وراز کاوە
دواجار، فیدراسیۆنی نێودەوڵەتیی یاریزانانی پیشەگەری تۆپی پێ (FIFPro) لیستی کۆتایی ئەو یاریزانانەی راگەیاند، کە کاندیدکراون بۆ نێو پێكهاته‌ی باشترینه‌كانی ساڵی 2024.
ئه‌وه‌ی جێگه‌ی سه‌ره‌نجه پاڵێوراوه‌كان هیچ یاریزانێکی عەرەبی تێدا نییه، لەوانە محەمەد سەڵاح -ی ئەستێرەی هەڵبژاردەی میسر و ئەشرەف حەکیمی ئەستێرەی هەڵبژاردەی مەغریب. یاریزانه سه‌ره‌كییه‌كان بریتی بوون لە کریستیانۆ رۆناڵدۆی ئەستێرەی پورتوگالی کاپتنی یانه‌ی نەسری سعودی و هەروەها لیۆنێل مێسی ئەستێرەی ئەرجەنتینی و کاپتنی یانەی ئینتەر میامی ئەمریکی. له پاڵێوراوه‌كانی دیكه تەنیا یەک یاریزانی یانه‌ی بارسیلۆنای تێدایه، ئەویش لامین یامال -ە، به‌ڵام یاریزانانی یانه‌ی ریاڵ مەدرید زاڵن بەسەر پاڵێوراوه‌كاندا و هه‌شت یاریزانیان هەن.
پاڵێوراوەکان:
*گۆڵپارێزەکان
ئیدرسۆنی بەرازیلی - مانچستەر سیتی ، ئیمیلیانۆ مارتینێزی ئەرجەنتینی - ئەستۆن ڤێللا، مانوێل نۆیەری ئەڵمانی - بایرن میونشن، ئەڵمانیا.
*بەرگری
دانی کارڤاخالی ئیسپانی و ئەنتۆنیۆ رودیگەیری ئەڵمانی - ریاڵ مەدرید، کایل واکەری ئینگلیزی و رۆبن دیازی پورتوگالی - مان سیتی. ڤێرجیل ڤان دایکی هۆڵەندی - لیڤەرپوڵ، جێرمی فریمپۆنگی هۆڵەندی -بایەر لیڤەرکوزن، ویلیام سالیبای فەرەنسی - ئارسناڵ.
*ناوەڕاست
جود بێلینگهامی ئینگلیزی و تۆنی کرۆسی ئەڵمانی و لۆکا مۆدریچی کرواتی و فێدریکۆ ڤالڤێردی ئۆرۆگوای - ریاڵ مەدرید، رۆدری ئیسپانی و کیڤن دی برۆینی بەلجیکی و فیل فۆدنی ئینگلیزی - مان سیتی، جەمال موسیالا -ی ئەڵمانی - بایرن میونشن.
*هێرشبەر
لامین یامال ئیسپانی - بارسیلۆنا، ئێرلینگ هالاندی نەرویجی - مان سیتی، هاری کەین -ی ئینگلیزی -بایرن میونشن، کیلیان مباپێ -ی فەرەنسی ریاڵ مەدرید، لیۆنێل مێسی - ئینتەر مەیامی، کۆل پاڵمەر -مان سیتی. کریستیانۆ رۆناڵدۆ - نه‌سری سعودی، ڤینیسیۆس جونیۆر - ریاڵ مەدرید.
