یانەی بەرشلۆنەی ئیسپانی بە ئامانجی بەهێزکردنی ریزەکانی، ئۆفەرێکی بۆ بەدەستهێنانی تواناکانی هیونگ مین سۆن، کاپتنی تۆتنهام ئامادەکردبوو، بەڵام بەفەرمی یاریزانە کۆرییەکە گرێبەستەکەی لەگەڵ تۆتنهام نوێکردەوە.
کاپتنەکەی تۆتنهام هاوینی 2025 گرێبەستی کۆتاییدەهات و دەیتوانی ببێتە یاریزانێکی ئازاد، دەنگۆی زۆریش هەبوو کە یانەکانی وەک بەرشلۆنە و پاریس سانجێرمان و چەندین یانەی دیکە چاوییان لە تواناکانی کاپتنە کۆرییەکە بوو، بەڵام بە فەرمی تۆتنهام رایگەیاند سۆن تاوەکو هاوینی 2026 گرێبەستەکەی نوێکردەوە.
بەمەش خەونی بەرشلۆنە بۆ بەدەستهێنانی تواناکانی کاپتن سۆن بە خۆرایی کۆتاییهات، چونکە یانە کەتەلۆنییەکە چاوەڕێی سۆن، جۆشوا کیمیچ و لیرۆی سانێ و جۆناسان تا بوو، تاوەکو گرێبەستییان کۆتاییبێت و بە خۆڕایی بیانگوازێتەوە چونکە بارودۆخی دارایی باش نییە.
