ئیلهام ئەحمەد، لێپرسراوی پەیوەندییەكانی دەرەوەی خۆسەری دیموكراتیك بانگەشەی ئەوەی كرد كە ئەو پێكهاتە جۆراوجۆرەی لە دیمەشق هەیە، ئەگەری شەڕی ناوخۆی لێدەكرێت و داوای پشتیوانیی لە ئیسرائیل كرد.
ئیلهام ئەحمەد لە لێدوانێكدا بۆ رۆژنامەی (زە جێڕوسەلەم پۆست)ی ئیسرائیلی، رایگەیاندووە: زۆرێك لە ناوچە و توێژەكانی سوریا ئیدارەی تایبەت بە خۆیان هەیە و كۆكردنەوە و هێنانی هەمووان بۆ ژێر یەك سیستم دەبێتە هۆی شەڕی ناوخۆ.
ئیلهام ئەحمەد ئاماژەی بەوەشكرد: چارەسەریی دیموكراسی لە خۆرهەڵاتی ناوەڕاستدا نایەتەدی، ئەگەر ئیسرائیل و گەلی جولەكە بەشداری نەكەن، پێشنیاریشی كرد «دەبێت ئیسرائیل لە پرۆسەكەدا بەشداربێت بۆ پاراستنی ئاسایشی ناوچە سنوورییەكان لە سوریا».
