یاسەمین حەمە سەعید، شێوەكار و مامۆستای هونەرە، زیاتر لە 34 ساڵە وێنە دەكێشێت، لە منداڵییەوە حەزوخولیایی هونەری هەبووە، دواتر چووەتە پەیمانگە و پەرەی بە هونەرەكەداوە و تا ئێستا بەردەوامە.
یاسەمین حەمە سەعید بە كوردستانی نوێی راگەیاند: هونەری شێوەكاريی چووەتە خوێنمەوە و دڵخۆشم بە كارەكەم، یەك پێشانگەی تایبەتیم بە ناوی (میناتۆر) كردۆتەوە، بەشداری زۆر پێشانگەم كردووە جگەلە پێشانگەكانی سلێمانی لە هەولێر و دهۆك و بەغداد و بەسرەش بەشداربووم، وێنەكانم واقيعی و تەجریدن.
وتیشی: دەكرێت لەپاڵ هەموو جۆرە هونەرێكدا دەستكەوتێكی ماددیش هەبێت تا بەردەوام بێت هونەرمەندەكە بۆ بە دەستهێنانی هەوڵی كار و چالاكی زیاتر، ئێستا خەریكی كاری تابلۆكێشانم بۆ داهاتوویەكی نزیك هیوادارم هیچ گرفتێك نەیەتە سەر رێم و پلانەكانم بە ویستی خۆم تێپەڕێت.
محەمەد عەبدولرەحمان-شارەزوور
