ئەیوب حیكمەت، هونەرمەند و شاعیری توركمان، لە تەمەنی منداڵییەوە خولیای گۆرانی و شیعر نووسینی هەبووە، تا ئێستا بەردەوامە.
ئەیوب حیكمەت بە دوالاپەڕەی وت: لە تەمەنی 10 ساڵییەوە خولیای گۆرانی و شیعر و نووسین بووم و بابەتەكانم لە گۆڤاری ئیخوانی توركمانی بڵاودەكرانەوە بە زمانی (عەرەبی و توركمانی) دەردەچوو، لە چەندین چاوپێكەوتنی تەلەفزیۆنیدا بە شیعر و گۆرانی بەشداریم كردووە، هەروەها لە ژووری مەقامی عیراقی و هۆڵی رەباتی شاری بەغدا مەقام و گۆرانیم تۆماركردووە.
ئەیوب حیكمەت كەركوكی ئەوەشی خستەڕوو، لە ساڵی 2010 ەوە وازی لە گۆرانی وتن هێناوە، ئێستا پابەندە بە نووسینی شیعری چوارگۆشە و خۆریات و سروودی نیشتمانی، دوایین كتێبیشی بە ناونیشانی (یتر هجران) بە چاپگەیاند كە بریتیە لە شیعر و خۆریات، هیواشی خواست كە بەردەوام بێت لە خزمەتكردنی رۆشنبیريی توركمانی لە كەركوك.
رزگار شوانی - كەركوك
